Memorandýmǵa qol qoıyldy

Astanada Adam quqyqtary jónindegi ýákil Asqar Shákirov pen Qazaqstandaǵy BUU Balalar qorynyń (IýNISEF) ókili Djýn Kýkıta Qazaqstandaǵy balalardyń quqyqtaryn qorǵaý men madaqtaý salasyndaǵy О́zara túsinistik týraly memorandýmǵa qol qoıdy, dep habarlady Qazaqstan Respýblıkasyndaǵy Adam quqyqtary jónindegi ýákil apparatynyń baspasóz qyzmeti. Taraptar qol qoıý sheń­berin­de Adam quqyqtary jónindegi ýákil men IýNISEF arasynda sońǵy jyldarda qalyptasqan ónimdi yntymaqtastyqty qorytyndylady. Osylaısha, halyqaralyq sarapshylardy tartýmen birge, júıeli negizde ınternattyq mekemeler men jalpy bilim berý mektepterinde balalarǵa qatysty zorlyq-zombylyq máselelerine zertteýler júrgizildi, balalar meke­melerine monıtorıng júrgizýge arnalǵan qural ázirlendi, trenıng jáne semınarlar ótkizildi. 2014-2015 jyldarǵa ar­nalǵan memorandým adam qu­qyqtary jónindegi ha­lyq­aralyq sharttardy, atap aıt­­­qanda, BUU Bala quqyq­tary týraly konvensııa­syn, Azap­taýǵa jáne basqa da qaty­gez, adamgershilikke jat­paı­tyn ne­mese ar-namysty qorlaıtyn is-áreketter men jazalaý túr­lerine qarsy konvensııasyn, Qazaqstan Respýblıkasynyń «Balanyń quqyqtary týraly» Zańyn jáne el Prezıdentiniń «Qazaqstan joly – 2050: bir maqsat, bir múdde, bir bola­shaq» atty Qazaqstan halqyna Joldaýyn iske asyrý maqsa­tyn­da jasaldy. Qol qoıylǵan qujat sheń­berinde taraptar balaǵa meıi­rimdi bolatyn ádilet júıesin jetildirý, quqyq qorǵaý te­tik­­terine balalardyń jáne jastardyń osal toptarynyń qoljetimdiligin jaqsartý, balalar mekemelerine táýelsiz monıtorıng júrgizý, sondaı-aq, balalarǵa qatysty zor­lyq-zombylyqtyń aldyn alý maqsatynda aqparattyq naý­qandardy ótkizý sııaqty bala­lar quqyqtaryn qorǵaý sala­syndaǵy yqtymaqtastyqty jalǵastyrady.