Aýyl-qalalardan kelgen jurtshylyq oblys ákimi Qanat Bozymbaevtyń halyq aldyndaǵy esepti kezdesýine jınaldy. Elbasynyń 30 eldiń qataryna qosylý jaıly tapsyrmasy – bárimizge ortaq mindet. Bıylǵy Joldaýynda halyqtyń ómir súrý sapasyn jaqsartý týraly birqatar tapsyrmalar berildi, bul bizdiń óńir úshin de asa mańyzdy, dedi oblys ákimi Qanat Bozymbaev.
Aýyz sý, jol jaǵdaıy jergilikti ákimderdiń ózderi qolǵa alyp, jasaıtyn jumys qoı, qaıda qarap otyrsyzdar? Halyq bizge qarap otyr. Sondyqtan, Aqtoǵaı, Lebıaji, Maı aýdandarynyń ákimderine shilde aıyna deıin ýaqyt beriledi, dedi Qanat Bozymbaev aýdandardy aralap shyqqan sońǵy qorytyndy jınalys barysynda. Shaǵyn jáne orta bıznesti damytý baǵdarlamasy boıynsha aýyldarda jumystar qolǵa alynbaı tur. Ertis, Maı aýdandaryndaǵy toptyq sý qubyrlaryn jasaımyz dep kelgender boldy, sý qubyry da joq, qarajat ta joq, qazir bul másele sotta qaralýda. Odan keıingi saparlary óndiristi Ekibastuz, Aqsý qalalarynda jalǵasty, barlyq aýdan ortalyqtary men aýyldardy, óndiris oryndaryn aralap shyqty. О́tken jyly óńirdegi qorshaǵan ortany qorǵaý jónindegi is-sharalardy iske asyrýǵa 608,7 mıllıon teńge bólinipti. Biraq, zaýyttardyń qorshaǵan ortaǵa, ekologııaǵa zııan jasap otyrǵandary jıi aıtylady. Oblys ortalyǵyndaǵy toqtap turǵan qurylystar, mysaly, Ekibastuzdaǵy 700 oryndyq apatty alyp qurylys Bozymbaevtyń aıtýymen mınıstrlikterge jetti, keıbiri toqtatyldy.
О́tken jyly oblys kásiporyndary 1330,4 mlrd. teńgeniń ónimderin óndiripti. Negizgi kapıtalǵa salynatyn ınvestısııalardyń kólemi 266,2 mlrd. teńgeni qurap otyr. Bul kúnderi oblysta Indýstrııalandyrý kartasy sheńberinde quny 75,2 mlrd. teńge turatyn 5 joba iske asyryldy, 457 jumys orny quryldy. Indýstrııalandyrý kartasynyń 53 ınvestısııalyq jobasy paıdalanýǵa berilgen. О́ńirde aýyl sharýashylyǵyn ártúrli baǵyttar boıynsha sýbsıdııalaýda osy jylǵa 4 mlrd. teńge bólingen. Jalpy quny 12,4 mlrd. teńgeni quraıtyn 22 ınvestısııalyq joba qolǵa alynǵanyn atap ótti. Keden odaǵy sheńberinde oblysta Reseı jáne Belarýspen 2584,4 mıllıon AQSh dollary kóleminde ózara saýda qamtamasyz etilgen. Ertis ózeni boıymen 920 myń tonna kóleminde júk tasymaldandy, ıaǵnı Omby, Túmen jaqqa shyǵa alamyz degen sóz. Byltyr 207,4 shaqyrym jergilikti mańyzy bar avtomobıl joldaryna jóndeý-qalpyna keltirý jumysy júrgizilse, bıyl da bul úrdis jalǵasyn tabatyny aıtyldy.
«Qoljetimdi turǵyn úı-2020» salalyq baǵdarlamasyn iske asyrý sheńberinde Turǵynúıqurylysjınaq banki jelisi boıynsha 17,7 myń sharshy metr turǵyn úı iske qosylypty. Oblysta «Aq bulaq» baǵdarlamasy boıynsha 1682,8 mıllıon teńgege 6 joba iske asyrylýda. Shaǵyn jáne orta kásipkerlik sýbektileri 374,7 mlrd. teńgege ónim óndirdi. Shaǵyn jáne orta kásipkerliktiń belsendi sýbektileriniń sany 32135 birlikti qurady, ondaǵy jumyspen qamtylǵandar sany – 122,5 myń adam. «Bıznestiń jol kartasy- 2020» baǵdarlamasy sheńberinde 72,9 mlrd. teńge somasyna 481 joba iske asyrylýda. Respýblıkalyq bıýdjet esebinen oblys ortalyǵynda perınataldyq ortalyqqa qosymsha korpýs salý josparlanyp otyr. Bul kúnderi respýblıkalyq bıýdjet qarajaty esebinen Kenjekól aýylynda 600 orynǵa, Maıqaıyń kentinde 420 orynǵa, Sharbaqty aýylynda 300 orynǵa, oblys ortalyǵynda 1200 orynǵa arnalǵan mektepterdiń qurylysy júrgizilýde.
Aýyl sharýashylyǵynda eńbek ónimdiligin ulǵaıtý qajet. Biz bolashaqta Ertis ózeni men Sátbaev atyndaǵy arna arqyly sýarmaly jer kólemin 122 myń gektarǵa ulǵaıtatatyn bolamyz, dedi Qanat Bozymbaev. Jalpy alǵanda, ótken jyly agroónerkásiptik keshendi qoldaýǵa 5,4 mlrd. teńge bólinip, ıgerilipti. Aýyl sharýashylyǵynyń jalpy ónim kólemi 113,8 mlrd. teńgeni qurady. Dándi-daqyldardyń jalpy jınalymy 718,6 myń tonnany qurady, árbir gektardan ónimdilik 12,1 sentner boldy. Mal sharýashylyǵynda ónim kólemi 57 mlrd. teńgeni qurady. Azyq-túlik taýarlaryn óndirýshilermen áleýmettik mańyzy bar azyq-túlik baǵalaryn turaqtandyrý boıynsha birqatar memorandýmdar jasaldy. Negizgi azyq-túlik qory jergilikti jerdiń ózinde bar.
Jıyn sońynda ádettegideı suraq-jaýap ýaqyty keldi. Múmkindigi shekteýli jandardy ońaltý, ózin-ózi jumyspen qamtý, jedel medısınalyq kómek kórsetý, taýarlarǵa baǵany baqylaýdy kúsheıtý, oblysta dıabet ortalyǵyn ashý jóninde usynystar jasaldy.
Pavlodar oblysy.