Yntymaqtastyq memorandýmmen bekidi

Abý-Dabıde ótken kezdesýler men kelissózderdiń qorytyndysy boıynsha Qazaqstan Prezıdenti janyndaǵy Ortalyq kommýnıkasııalar qyzmeti men Birikken Arab Ámirlikteriniń Ulttyq medıa keńesi arasynda О́zara túsinistik týraly memorandýmǵa qol qoıyldy. Bul qujattyń maqsaty – aq­pa­rattyq jumystar barysynda uzaqmerzimdik jáne turaqty ne­gizde ózara málimetter jáne táji­rıbeler almasýdy qamtamasyz etý. Qazaqstan men BAÁ ara­syn­daǵy dostyq qarym-qatynastyń ne­gizinde taraptar eki eldiń aqpa­rattyq keńistiginde jalpy adam­zattyq, memlekettik jáne patrıottyq qundylyqtardy, ult­tyq birlikti, rýhanı-adamgershilik qun­dylyqtarǵa degen qurmetti, salamatty ómir saltty, ashyqtyq pen toleranttylyqty qoldaý jó­nindegi jan-jaqty ózara is-sharalar men halyqaralyq baılanystardy nyǵaıtý jónindegi túbegeıli kelisimge qol jetkizip otyr. Ortalyq kommýnıkasııalar qyzmeti men Ulttyq medıa keńesi taqyryptyq is-sharalar, semınarlar men kýrstar, birlesken zertteýler uıymdastyrady jáne eki jaq ta múddeli aqparattyq baǵdarlamalardy júzege asyrady. Abý-Dabıdegi Qazaqstan elshi­liginiń qoldaýymen, Qazaqstan tarapynan memorandýmǵa Ortalyq kommýnıkasııalar qyzmetiniń dırektory Erjan Babaqumarov, ámirlik tarapynan – BAÁ Ulttyq medıa keńesiniń dırektory Ib­rahım Ál Abed qol qoıdy.