El ekonomıkasy eńseli bıiginen túspeıdi

Memleket basshysy Nur­­sultan Nazarbaevtyń tór­aǵa­lyǵymen kásipkerlikti yntalandyrý jáne qarjy sektoryn saýyqtyrý máseleleri jónindegi keńes ótti, dep habarlady Prezıdenttiń bas­pasóz qyzmeti. Memleket basshysy keńes ba­rysynda elimizdiń ekonomıka­syn damytý úshin 1 trıllıon teńge bólý týraly sheshim qa­byl­danǵanyn atap ótti. – Syrtqy qarjylandyrý kóz­deriniń biz úshin qoljetimdiligi az jáne bólinetin nesıeler óte qymbat. Bank júıesindegi ishki rezervter shekteýli, óıtkeni, otandyq bankter daǵdarystan endi-endi shyǵa bastady. Osyǵan baılanysty, ózderińiz biletindeı, ekonomıkany, ásirese, shaǵyn jáne orta bıznesti qoldaý, son­daı-aq, elimizde ındýstrııa­lan­dyrýdy jalǵastyrý men ınfra­qurylymdyq jobalardy iske asyrý úshin Ulttyq qordan 1 trıllıon teńge mólsherinde qomaqty qarajat bólý týraly sheshim qabyldandy. Ol azamattarymyz úshin jańa jumys oryndaryn ashýdy, eńbekaqylaryn tóleýdi qamtamasyz etedi jáne jalpy tur­mys deńgeıin jaqsartýǵa múm­kindik týdyrady, – dedi Nursultan Nazarbaev. Qazaqstan Prezıdenti Ulttyq qordyń buǵan deıin 2008-2009 jyldary búkilálemdik qarjy-ekonomıkalyq daǵdarys kezeńinde mańyzdy ról atqarǵanyn, sol kezde bul qordan aıtarlyqtaı qarajat bólingenin aıtty. – Sóıtip, Qazaqstan ekonomıkasy qyspaqtan qutyldy, sol kezde búkil álemde oryn alǵandaı zeınetaqynyń, eńbekaqynyń tómendeýine jol berilgen joq. О́zderińizge belgili, Eýropanyń kóptegen elderi áli kúnge deıin eńbekaqy, zeınetaqy jáne barlyq basqa da tólemderdi azaıtyp, onyń zardabyn tartýda. Búgingi sheshim Ulttyq qor qurý jónindegi bizdiń qadamymyz durys bolǵandyǵyn taǵy da dáleldep otyr. Álemdik daǵdarys áli de jalǵasyp jat­qanyn eskersek, memlekettiń aıaq astynan týyndaıtyn qıyn jaǵdaılarǵa arnalǵan rezervteri bolýǵa tıis, – dedi Memleket basshysy. Nursultan Nazarbaev Ulttyq qor esebinen qarjylandyrylatyn negizdi, naqty jobalar bar ekenine nazar aýdardy. – Bólingen qarajat negizinen óńdeý ónerkásibin damytýǵa baǵyttalatyn bolady. Eksportqa sapaly ónimder shyǵarý jónindegi jobalardy iske asyrý da mańyzdy. Osyǵan oraı qaryz qarajatyn bólý máselesimen aınalysatyn tıisti komıssııa qurylatyn bolady, – dedi Qazaqstan Prezıdenti. Memleket basshysy el azamattaryn ártúrli arandatýlarǵa erip ketpeı, sabyr saqtaýǵa shaqyrdy. – Bizdiń ekonomıkamyz oıda­ǵydaı jáne eshqandaı da kúıreý bolǵan joq. Eldegi birde-bir bank búginde bankrotqa ushyramaıdy. Biz 2009 jyly BTA jáne ózge bankterge qatysty da mundaıǵa jol bergen joqpyz, sebebi, olarda azamattarymyzdyń salymdary boldy. Biz qazir de buǵan jol bermeımiz. Biz halyqtyń basym kópshiliginiń qarajaty saqtalatynyna kepildik beremiz. Al bank­ter aınalasynda dúrbeleń týdyr­ǵandar qazir tabyldy jáne jaýapkershilikke tartylatyn bolady. Bárimiz elimizde ty­nysh­tyq pen turaqtylyqtyń bol­ǵanyn qalaımyz, bul – barsha qazaqstandyqtardyń mindeti. Jos­parlaǵanymyzdyń barlyǵyn biz árdaıym oryndap keldik, – dedi Nursultan Nazarbaev. Sýretti túsirgender S.BONDARENKO, B.OTARBAEV.