ESPN telearnasynyń sarapshysy Maık Koppındjer ekinshi orta salmaq dárejesindegi álemniń absolıýtti chempıony, Meksıka boksynyń maqtanyshy Saýl Alvares pen qazaqstandyq Gennadıı Golovkın úshinshi márte judyryqtasqan jaǵdaıda kimniń jeńiske jetetinin aıtyp berdi, dep habarlaıdy Egemen.kz.
«Buǵan deıin ótken eki kezdesýde jurt kim myqty ekenin naqty túsinbedi. Eger olar úshinshi márte sharshy alańda kezdesse, Alvares Golovkındi tóreshiler sheshimimen jeńedi. Birinshiden, meksıkalyq sharshy alańǵa jıi shyǵyp júr. Gennadıı Golovkın bolsa jylyna bir ǵana márte kezdesý ótkizedi. Ekinshiden, qazaq boksshysy kelesi jyly qyryq jasqa tolady. Úshinshiden, Alvares qazir naǵyz babyna keldi. Bıllı Djo Sonders te, Kaleb Plant ta onyń aldynda qorǵansyzdyń kúıin keshti. Sol sebepti de Golovkın oǵan qarsylas emes. Bul joly meksıkalyq anyq favorıt bolady», deıdi ol.