Mysyrdyń Bas prokýratýrasy eks-prezıdent Mýhammed Mýrsı men «Musylman baýyrlar» qozǵalysynyń jetekshilerine eldiń qorǵanys qabileti jónindegi qupııa málimettermen Iran elin qamtamasyz etti degen aıyp taqty. Bul týraly ITAR-TASS habarlady. Jeksenbi kúni Kaırde tyńshylyq áreketi boıynsha sot prosesi qaıta bastaldy. Mýhammed Mýrsı men ıslamıstik uıymnyń 35 jetekshisi bul iste basty aıypkerler retinde qarastyrylyp otyr. Bas prokýratýra daıyndaǵan qujattarda Mysyrda sońǵy birneshe jyl ishinde oryn alǵan teraktilerge «Musylman baýyrlar» qozǵalysynyń qatysy bar ekeni aıtylady. Sondaı-aq qozǵalys jetekshilerine palestınalyq HAMAS pen Lıvan shııtteriniń «Hezbollah» toptarymen jáne Irandaǵy «Islam revolıýsııasynyń saqshylary» korpýsymen birlesýdi kózdegen «terrorıstik jospar» jasady degen aıyp taǵylýda. Aıdar О́risbaev. Derekkóz: Itar-tass.com. Foto: Itar-tass.com.