12 qarasha konkıden Qazaqstan ulttyq quramasy jańa maýsymdy Polshada bastaıdy, dep habarlaıdy Egemen.kz UOK-ke silteme jasap.
Polshanyń Tomashýv - Mazoveskıı qalasynda lısenzııalyq álem kýbogi kezeńiniń alǵashqy jarysy ótedi. Jarystyń birinshi kúninde erler 500 jáne 5000 m boıynsha, al áıelder 500 jáne 3000 m qashyqtyq boıynsha úzdikterdi anyqtaıdy.
500 m qashyqtyq boıynsha erler arasynda Klenko Aleksandr men Koshkın Evgenı, Ivan Arjanıkov qatysady, al atalǵan dıstansııa boıynsha áıelder sapynan Ekaterına Aıdova jarys jolyna shyǵady. 3000 metrdi baǵyndyrýǵa Nadejda Morozova úmitker bolsa, erler arasynda 5000 m boıynsha Maksım Baklashkın, Baǵdáýlet Saǵatov jáne Vıtalıı Shıgolev baq synaıdy.
Aıta keterligi, bul lısenzııalyq álem kýboginiń alǵashqy kezeńi bolyp sanalady. Atalǵan jarys 14 qarashaǵa deıin jalǵasady.