Bıyl 22-26 qarasha aralyǵynda Qazaqstan Táýelsizdiginiń 30 jyldyǵyna arnalǵan «Qoǵam men memlekettiń turaqty damýy múddesindegi áriptestiktiń 30 jyldyǵy» atty H Azamattyq forým ótedi, dep habarlaıdy Egemen.kz.
Forým qoǵamdy damytý jáne demokratııalyq úderister, BUU-nyń Ornyqty damý maqsattaryn iske asyrý jáne olarǵa qol jetkizýdegi sosıýmnyń, memleket pen bıznestiń negizgi mindetterine arnalǵan.
Forým qarsańynda jáne apta boıy mınıstrlerdiń azamattyq qoǵam ókilderimen kezdesýleri, ákimderdiń óńirlerdegi ÚEU ókilderimen kezdesýleri, shaǵyn granttar jobalarynyń tanystyrylymy, sondaı-aq «ÚEU syılyǵy» men «Tańdaý» syılyǵyn saltanatty túrde tapsyrý rásimi uıymdastyrylady.
«Qazaqstan Táýelsizdiginiń 30 jyly ishinde azamattyq sektor qyzyqty transformasııadan ótti. Táýelsizdiktiń mańyzdy jetistikteriniń biri úkimettik emes uıymdardyń kásibı, belsendi jáne táýelsiz qoǵamdastyǵy bolyp tabylady. Sondyqtan qazirgi X Azamattyq forým Táýelsizdigimizdiń 30 jyldyǵyna oraılastyrylyp otyr. Bıylǵy forýmda elimizdiń túkpir-túkpirinen óte jigerli jáne belsendi qatysýshylar bas qosady. Qatysýshylar qoǵamdyq baqylaý tetikterin jetildirýden bastap, áleýmettik salanyń, sıfrlandyrýdyń, bilim berý jáne densaýlyq saqtaý júıeleriniń ózekti máselelerin sheshýge deıingi ondaǵan kúrdeli máselelerdi talqylaıdy. Táýelsizdik jyldarynda úkimettik emes sektorǵa elimizdiń áleýmettik-ekonomıkalyq ómiriniń mańyzdy quramdas bóligine aınalýǵa múmkindik bergen mańyzdy strategııalyq qujattar, zańnamalyq baza qabyldandy. Zańnamanyń úzdik álemdik tájirıbelerin taratý, strategııalyq qujattardyń sátti júzege asyrylýy ÚEU-nyń sandyq jáne sapalyq ósýin qamtamasyz etti», dep atap ótti QR AQDM azamattyq qoǵam isteri komıtetiniń tóraǵasy Madııar Qojahmet.
Sońǵy 30 jylda úkimettik emes uıymdar jelisi 100 ÚEU-dan 22 myńǵa deıin ósti. Memlekettik áleýmettik áriptestik tetikteri arqyly memlekettik ınvestısııalar, granttar men syıaqylar kólemi ÚEU jumysyn qoldaýǵa jalpy alǵanda 140 mlrd teńgeden astam somany qurady.