Almaty qalasynda «qarjy polıseılerinen qashamyn» dep ekinshi qabattan sekirgen kolledj dırektoryna qatysty sot úkimi shyqty. Bul týraly «Jetinshi arna» habarlady.
Osy shahardaǵy Servıs jáne tehnologııalar kolledjin 8 jyl basqarǵan Maran Taqabaevqa «para aldy, qyzmet babyn asyra paıdalandy jáne bıýdjet qarjysyn jymqyrdy» degen aıyp taǵylǵan bolatyn.
«Sot Qylmystyq Kodekstiń 311-baby, 1-bóligi boıynsha aıyptalǵan Maran Taqabaevty 3 jylǵa bas bostandyǵynan aıyryp, dúnıe múlkin tárkileýge úkim shyǵardy. Jazasyn jalpy rejımdegi túzeý kolonııasynda ótesin. Sondaı-aq ol bes jylǵa deıin memlekettik qyzmetten shettetilsin», - dedi úkimdi oqyǵan sýdıa Lıýdmıla Bektemirova.
M. Taqabaevqa Qylmystyq kodekstegi eki bap boıynsha taǵylǵan aıyptardyń dálel-dáıegi jetkiliksiz bolǵandyqtan, sot ony isten bólip alyp, qosymsha tergeýge jiberdi. Onda bıýdjettiń 16 mln. teńgesi talan-tarajǵa túskeni kórsetilgen bolatyn.
Ámirhan Almaǵanbetov.
Derekkóz: «Jetinshi arna».
Foto: Infosmi.net.