Búgin, 18 qarasha kúni Vengrııanyń Debresen qalasynda short-trekten álem kýboginiń úshinshi kezeńi bastaldy, dep habarlaıdy Egemen.kz Olympic.kz-ke silteme jasap.
Sportshylar 500, 1000, 1500 m (jekeleı saıys); 3000 m (áıelder estafetasy), 5000 m (erler estafetasy men aralas mıks-komandalyq) qashyqtyqtar boıynsha synǵa túsedi.
Jarysqa Qazaqstan quramasynyń sportshylary kelesi quramda qatysyp jatyr:
Erler: Abzal Ájiǵalıev, Erkebulan Shamýhanov, Ádil Ǵalıahmetov, Denıs Nıkısha, Mersaıd Jaqsybaev, Nurtılek Qajyǵalı.
Áıelder: Olga Tıhonova, Madına Janbosynova, Alena Volkovıskaıa, Iаna Han, Álııa Ámirǵalıeva, Ásel Taıshmanova.
Aıta keterligi, álem kýboginiń atalmysh kezeńi 21 qarashaǵa deıin jalǵasady. Jarystyń birinshi kúninde irikteý básekeleri ótip jatyr.