WBO tujyrymy boıynsha orta salmaqtaǵy álem chempıony Demetrıýs Andrade Gennadıı Golovkın men Rıota Mýrata arasynda ótetin jekpe-jekke qatysty pikir bildirdi, dep habarlaıdy Egemen.kz.
«Golovkın men Mýratanyń ekeýi de jaqsy boksshy ekeni daýsyz. Bular álem chempıony bolǵandyqtan, ekeýimen de rıngte kezdesýge daıynmyn. Alaıda Tokıodaǵy boks keshinen soń olardyń biri álem chempıony ataǵynan aıyrylatyny túsinikti. Sondyqtan bul kezdesý kásipqoı boks álemi úshin tıimdi. Rıota sharshy alańda jaqsy qımyldaıdy. Alaıda Golovkınniń soqqysy joıqyn. Sol soqqylaryn utymdy paıdalanyp, jeńiske jetýi ábden yqtımal», deıdi amerıkalyq boksshy.