Memleket basshysy Nursultan Nazarbaev QazUÝ-diń rektory Ǵalym Mutanovty qabyldady, dep habarlady Prezıdenttiń baspasóz qyzmeti. Kezdesý barysynda elimizdiń joǵary bilim berý júıesin damytý jáne onyń básekege qabilettiligin arttyrý máseleleri talqylandy.
Memleket basshysy QazUÝ respýblıkanyń iri joǵary oqý oryndarynyń biri bolyp sanalatynyn, al onyń túlekteri ekonomıkanyń barlyq sektorynda jumys isteıtinin atap ótti.
– Búginde joǵary oqý oryndarynyń stýdentterine qoıylatyn talap óte joǵary. Bıyl qurylǵanyna 80 jyl tolatyn ýnıversıtet óziniń básekege qabilettiligin udaıy arttyra otyryp, joǵary bilikti kadrlar daıarlaýda úlgi bolýǵa tıis. Tek osy jaǵdaıda ǵana oqý ornynyń mártebesi arta túsetin bolady, – dedi Nursultan Nazarbaev.
Ǵ.Mutanov joǵary oqý ornynyń qazirgi qyzmeti jáne álemdegi eń úzdik 200 ýnıversıtettiń qataryna qosylý jónindegi negizgi mindetter týraly aıtty.
Rektor QazUÝ-diń aldynda bilimge negizdelgen ınnovasııalyq ekonomıka sýbektisine aınalý mindeti turǵanyna toqtaldy. Bul oraıda ýnıversıtet ǵylymı-tehnologııalyq mindetterdi sheshýde, bilim berý sapasyn jáne elimizdiń oqý oryndarynyń básekege qabilettiligin arttyrýda úlgi bolýdy kózdep otyr.
Sýretti túsirgender
S.BONDARENKO, B.OTARBAEV.