Oralda bekire tuqymdas balyq óndirý kesheniniń bazasynda zaýyt qurylysy bastalady. Bul týraly málimdegen Qorshaǵan ortany qorǵaý jáne sý resýrstary mınıstri Nurlan Qapparov munyń elimizdegi balyq sharýashylyǵyn jańasha baǵytta damytýdy maqsat etken alǵashqy ınnovasııalyq joba ekenin atap ótti.
Ońtústik Qazaqstan oblysynyń ákimdigi Maıra Muhamedqyzyna avtokólik syılady. Belgili opera ánshisin Ulystyń uly kúni qarsańynda qabyldaǵan aımaq basshysy Asqar Myrzahmetov onyń álemdik deńgeıde óner kórsetip, eldiń abyroıyn asqaqtatyp júrgenine rızashylyq bildirdi. Al búgin Qazaqstannyń eńbek sińirgen ártisi Shymkenttegi J.Shanın atyndaǵy oblystyq drama teatrda merekelik konsert beredi.
Petropavl qalasynyń turǵyny 114-ke tolǵan týǵan kúnin jaqyn-juraǵattarymen toılady. Qazaqstanda eń uzaq ómir súrýshi ekinshi adam bolyp tabylatyn Bıkamal Murjyqova ájeı búginde 12 nemere men 25 shóbereden bólek, shópshek te súıip otyr.
Pavlodarda Naýryz merekesi qarsańynda 115 turǵynǵa jańa páterlerdiń kiltteri tapsyryldy. «Jumyspen qamtý-2020» memlekettik baǵdarlamasynyń aıasynda salynǵan 9 qabatty úıdiń endigi ıeleri arasynda jumyssyzdar, múgedekter men oblys ortalyǵynyń eńbek naryǵyndaǵy qajet mamandyqtarǵa arnaıy kýrstarda oqyp jatqan jas otbasylary bar.
Qyzylorda oblysynyń prokýrorlary zańsyz berilgen 1,9 mln. teńgeniń jalaqysyn bıýdjetke qaıtardy. Oblystyń Syrdarııa aýdandyq prokýratýrasy aýdandyq ishki ister bóliminiń bıýdjet qarjysyn ıgerýin tekserý barysynda lajsyz bos júrgen ýaqyty úshin 2 qyzmetkerge zańsyz tólengen aqshanyń keri qaıtarylýyna qol jetkizdi.
Taraz kardıohırýrgııalyq emhanasy júrekke ota jasaýdyń jańa túrin meńgerdi. Budan birer kún buryn «Júrek» atty ortalyqta qan shyǵarmaý tásilimen júrgizilgen «radıojıilik ablasııasy» atalatyn bul operasııany jas dáriger Tımýr Áshirov Eýropadan kelgen Roın Rekvavamen jáne Iаroslav Streharskımen birge jasady.
24KZ, BNews.kz, Nur.kz, Egemen.kz
habarlary boıynsha daıyndaldy.