О́tken jyldyń jazynda da Oral qalasy kósheleriniń oıqyl-shoıqyly kóbeıip bara jatqany anyq baıqaldy. Sonymen, kúz, onyń artynan qylyshyn súıretip qys keldi. Aqpanda aqyrǵan aıaz soqty. Osy kezde jentektelgen, ábden nyǵyzdalǵan qar túıirshikteri kóshelerdegi qara jabynnyń tesik-shuńqyryn ýaqytsha bolsa da bitep tastaǵandaı kórindi.
Endi, mine, kóktem kelip qar erip edi, Oral qalasynyń turǵyndary kóshelerdiń buǵan deıingi kúıine zar bolyp qaldy. Murtqa ókpelep júrgende saqal shyqty degen osy da. Burynǵy, burynǵy ma, kósheler shurq tesik bolyp ábden sıqy qashyp ketipti. Iаǵnı qys kezderindegi aq qar, kók muzdan kósheler ýaqytynda durys tazalanbaǵandyqtan onyń ábden jelingeni men mújilgeni, onyń orny tesik-shuńqyrlarǵa aınalǵany kózge uryp tur.
Shekaralas óńirdegi oblys ortalyǵynyń keıbir aýmaqtaryn jeńil kólikpen júrip ótýdiń ózi esh múmkin emes. Buǵan adamnyń beli de, kóliktiń beltemiri de shydas bere almaıdy. Naǵyz azap dersiz. Dál osyndaı kórinister qalalyq perzenthana men onkologııalyq ortalyq ornalasqan soltústik shyǵys bettegi aýdanda oryn alyp otyr. Eger aıaq astynan tolǵaq qysqan analar, jas áıelder men kelinshekter mundaı astan-kesteńi shyqqan, jol sıqy joq shuńqyrlardy basyp ótip perzenthanaǵa jetkenge deıin túsik tastaıtyn bolsa, buǵan esh tańdanýǵa bolmaıdy. Tek onyń betin ári qylsyn deńiz.
Jergilikti bılik organdary ár jıyn saıyn kóshelerge asfalt tóselip jatqany jóninde turǵyndardy habarlandyryp turady. Alaıda, sonyń nátıjesi kórinbeı-aq qoıdy. О́tken jyldyń jazynda Syr boıyna jolymyz tústi. Munda oblys ortalyǵy kóshelerine asfalt tóseý jumystary úsh aýysymda júrgizilip jatqanyna kýá bolyp oraldyq. Mundaı úzdiksiz yrǵaq óndirmeı qoıa ma, az ýaqyttyń ishinde Qyzylorda qalasynyń kóshelerine taqtaıdaı tegis sapaly da sándi qara jabyn tóselip úlgeripti. Árıne, bul úshin birinshi kezekte qarjylandyrý máselesi sheshimin tabýy qajet. Bul jóninde tek bárekeldi deýge týra keldi. О́ıtkeni, respýblıkalyq transh arqyly Syr boıynyń bas qalasy kóshelerin asfalttaýǵa 6,5 mıllıard teńge bólingen eken. Árıne, az qarajat emes. Dál osy kezeńde Oral óńirine bólingen qarajat 500 mıllıon teńgege de jetpeı qalǵany jasyryn emes.
Árıne, bul arada Úkimet tarapynan qarjy kózderin qarastyrýda ala-qulalyq bolmaǵany anyq. Iаǵnı Syr elin basqaryp otyrǵan azamattar birinshi kezekte ózderiniń tikeleı fýnksıonaldyq mindetterine adaldyq kórsete bilgeni ańǵarylady. Jol qurylysyna qajetti qujattar men normatıvter de ortalyq organdarǵa erterek ázirlenip jiberilgen eken. Sóıtip, munda jaıbasarlyq degen dert atymen joıylǵanǵa uqsaıdy. Árıne, biz muny aıtqanda batysqazaqstandyq basshylar qol qýsyryp qarap otyr degen oıdy meńzeýden aýlaqpyz. Kerisinshe, bıyl Oral óńirinde avtojol qurylysyna erekshe qarqyn týǵyzylmaq. Bul úshin ortalyqtan, ıaǵnı respýblıkalyq qarajat kózderinen bólingen bes mıllıard teńgeden astam somaǵa qosymsha oblys bıýdjetinen de osy mólsherge jeteǵabyl qarajat qarastyrý kózdelgen.
Árıne, bul ázirge meje men alǵa qoıǵan maqsat, berilgen ýáde ǵana. Al kez kelgen joba men jospar birinshi kezekte onyń oryndalýymen qundy, baǵaly ekeni haq. Endeshe, balapandy kúzde sanaıdy degendeı Oral óńirindegi jol qurylysy, sonyń ishinde oı-shuńqyry kóbeıip ketken Oral qalasy kósheleriniń jaı-kúıi jónindegi túıin áli alda dep bilemiz.
Temir QUSAIYN,
«Egemen Qazaqstan».
ORAL.