Reseı Prezıdenti Vladımır Pýtın Qaýipsizdik keńesiniń jospardan tys otyrysyn ótkizedi. Bul týraly onyń baspasóz hatshysy Dmıtrıı Peskov málimdedi, dep habarlaıdy Egemen.kz RIA Novostıge silteme jasap.
Kreml ókili Pýtınniń sózi ashyq rejımde kórsetiletinin málimdedi. Peskov keıinirek esep berýge ýáde berip, kezdesý taqyrybyn aıtýdan bas tartqan.
«Dúısenbide ótetin Qaýipsizdik keńesiniń otyrysy tótenshe nemese kezekti otyrys pa degen suraqqa ol: «Joq, bul kezekti otyrys emes», dep jaýap bergen.
Onyń aıtýynsha, Pýtın búgin telefon arqyly birneshe halyqaralyq áńgime júrgizedi.
Aıta keteıik, 20 aqpanda Fransııa Prezıdenti Emmanýel Makron Vladımır Pýtınmen telefon arqyly sóılesken bolatyn. Taraptar «normand formatynda» kezdesýge kelisken. Osydan keıin Makron Ýkraına men AQSh Prezıdentteri Vladımır Zelenskıı men Djo Baıdenge, odan keıin Pýtınge taǵy telefon soqty. 21 aqpanǵa qaraǵan túni Baıden men Pýtınniń sammıtke qatysýǵa keliskeni belgili boldy.