О́ńdeý ónerkásibine mán beriledi

Oblystyq ındýstrııalyq-ınno­vasııalyq damý basqarmasy­nyń basshysy Rınat Sultan­gereevtiń aıtýynsha osy jyly qurǵaq qurylys qospalar óndi­risi, 2 qus fabrıkasy, balyq óńdeý sehy jáne et kombınaty sekildi jobalar júzege asady. Jalpy quny shamamen 11 mlrd teńgege baǵalanyp otyrǵan osy 5 joba iske qosylǵanda 400-ge jýyq jumys orny ashylmaq.

Jıynda «Ýpravlenıe mehanızırovan­noı dobychı» JShS dırektory Baqyt Jáni­bekov syǵylǵan tabıǵı gazdy avtomobılde qoldanatyn propan gazy, benzın, dızel otynyna balama taýar retinde daıyndaý týraly usynys kóterdi. Bul baǵa jaǵynan da tutynýshylar úshin tıimdi bolmaq.

Kásipkerdiń aıtýynsha, magıstraldy gaz qubyrlary jeli­leri bul ıdeıany iske asy­rýǵa tolyq múmkindik beredi. Onyń ústi­ne qalaishilik, qala­aralyq gaz qubyrlary da qo­l­jetimdi jáne ınfraqurylym aıasy keń. Qyzylordadan bastaý alǵan bastama nátı­jelerin basqa qalalarǵa da taratýǵa bolady.

Aımaq basshysy jobanyń ózektiligin eskere otyryp, ın­ves­tısııalyq jobalardy júze­ge asyrý óte mańyzdy eke­nin atap ótti.

– Jobany shıkizatpen qamtamasyz etý jáne qarjylandyrý máselesin py­syq­­taý qerek. Osyǵan baıla­nysty, oblystyq ındýstrııa­lyq-ın­novasııalyq damý basqar­ma­syna munaı kompanııalarymen osy jobany iske asyrýdy tal­qylaý jóninde keńes uıym­dastyrýdy tapsyramyn. Qajet­ti shıkizat kólemi men qarjy­lan­dyrý máseleleri sheshimin tapqan jaǵdaıda, joba bastamashylaryna memleket tarapynan beriletin qoldaý sharalaryn usyný qajet, – dedi G.Ábdiqalyqova.

Munan keıin «Teh Servıs»JShS dırektory Marat Japparbergenov Keremet Arena sport kesheni jobasyn tanys­tyrdy. Quny 1 mlrd teńge qu­raı­tyn keshende bir kúnde 150 adam sportpen shuǵyldana ala­dy. Aımaq basshysy oblys­ty­q kásipkerlik jáne týrızm bas­qar­masynyń basshysy Ferdo­ýsı Qojabergenovke jobany qar­jylandyrý máselesin pysyq­taýdy tapsyryp, bul bastamanyń áleýmettik ınfraqurylymdy jaqsartý jumystaryn keshendi túrde jalǵastyrýda mańyzy zor ekenin aıtyp ótti.

Qyzylorda oblysy