Pavlodar oblysynda medısınalyq maskalardy taǵý jáne «Ashyq» mobıldik qosymshasyn paıdalaný sııaqty saqtyq sharalary erikti sıpatqa ıe boldy, dep habarlaıdy Egemen.kz.
Pavlodar oblysynyń bas memlekettik sanıtarlyq dárigeri Batyrbek Álıev aımaq boıynsha jańa karantındik qaýlyǵa qol qoıdy.
Qaýlyǵa sáıkes, halyq kóp jınalatyn jerlerde medısınalyq maskalardy qoldaný erikti sıpatqa ıe.
«Halyq kóp jınalatyn oryndarda, qoǵamdyq jáne áýe kóliginde, uıymdasqan ujymdarda medısınalyq maskalardy usynymdyq sıpatta paıdalanýdy qaýly etemin; «jasyl» jáne «sary» aımaqtardaǵy obektilerde «Ashyq» mobıldik qosymshasyn paıdalaný mindetti bolyp tabylmaıdy jáne sýbektiniń sheshimi boıynsha erikti túrde, qyzmetin shektemeı júzege asyrylýy múmkin», delingen Pavlodar oblysynyń bas memlekettik sanıtarlyq dárigeri Batyrbek Álıevtiń 20 sáýirdegi № 7 qaýlysynda.
Qaýly qol qoıylǵan sátten bastap kúshine endi.