Memleket basshysy Qasym-Jomart Toqaevtyń Qazaqstan halqyna arnaǵan «Jańa Qazaqstan: Jańarý men jańǵyrý joly» Joldaýynda: «Mańyzdy sheshimder jurtshylyqtyń qatysýymen ashyq qabyldanady. О́ıtkeni memleket ár azamattyń únine qulaq asady. Adal eńbek, ozyq bilim jáne úzdik tájirıbe árdaıym joǵary baǵalanady» degen joldar bar.
Bul sóz jalpy memlekettik turǵyda keń kólemde aıtylǵanymen onyń mazmun-mindetin árbir ákim ózi basqaryp otyrǵan aýmaq turǵysynan salmaqtap qaraǵany jón. О́ıtkeni biz, árbir Qazaqstan azamaty Joldaýda atap kórsetilgendeı ózgeris jolyn ózimizden bastaýǵa tıispiz. Jańa Qazaqstan qurýǵa is-áreket, kemel oı, paryqty sózimizben úles qosýymyz kerek.
Aýdan men aýyl ákimderi Joldaý talaptaryn oryndaý maqsatynda burynǵy taptaýryn bolǵan is-áreketterin ózgertip, turǵylyqty halyqtyń únine qulaq asýy qajet. Aýmaqtaǵy ózekti máselelerge baılanysty oı-pikirin búkpesiz aıta otyryp, istiń oń sheshilýine úles qosatyn adamdardy tyńdaı bilgen jón. Ol úshin árbir kezdesý barysynda jurtshylyqty ashyq áńgimege tolyq qatystyra bilý kerek.
Joldaýmen qatar Prezıdent «Ákimderdiń halyqpen kezdesýlerin ótkizý týraly» arnaıy qabyldaǵan Jarlyǵynda da burynǵydaı atústi, sanaýly bir ǵana úırenshikti toppen emes, jergilikti halyqtyń basym kópshiligin qatystyra otyryp, olardyń aýyl men el bolashaǵyn kemeldendirý jónindegi ashyq pikirlerin tyńdap, onyń júzege asyrylýyn qamtamasyz etýdi tapsyrdy. Alaıda Joldaý men Jarlyqtyń oryndalýyna erekshe qulshynys, iskerlik tanytyp júrgen ákimder áli de az. Bul syndy Almaly aýyldyq okrýginiń ákimine qarata da aıtýǵa bolady. О́ıtkeni aýyldyq okrýgte ótkiziletin jıyndarǵa shyndyqty ashyp aıtatyndar kóp shaqyryla bermeıdi. Árıne, ákim úshin jınalystarda bárin maqul kóretin, ózine qolaıly jandardyń bolǵany mańyzdy. Biraq bul eskilikten arylatyn ýaqyt keldi.
Joldaýda aıtylǵan máseleler oryndalýymen qundy. Sondyqtan da «Ákim bol, halqyńa jaqyn bol» degen ataly sóz ben Prezıdent qoıyp otyrǵan talap-mindetterdiń qunyn ketirmeı, árbir ákim halyqpen meılinshe birge bolyp, solardyń aryz-tileginen qorytyndy shyǵaryp otyrý mańyzdy.
Juldyz TÚZELBEKOVA,
L.О́teshov atyndaǵy mekteptiń pedagog-uıymdastyrýshysy
Túrkistan oblysy,
Báıdibek aýdany