Bilek kúshi básekege tústi

Eki kún boıy Aleksandr Vınokýrov atyndaǵy Sport sa­raıynda elimizdiń túkpir-túk­pirinen kelgen pogondy ba­lýandar kúsh synasty. Po­lı­sııa departamentteriniń 18 qura­ma komandasynan, son­daı-aq «Dınamo» DShSQ Or­talyq keńesiniń 8 komandasynan qatysqan balýandar boz­kilem­niń ústinde jeńim­pazdardy anyqtady.

Spartakıadanyń qory­tyn­dysy boıynsha júl­deli úshinshi oryndy Al­maty qalasynyń polı­sııa departamenti ıe­lendi. Ekinshi oryndy Nur-Sul­tan qalasynyń polısııa depar­tamenti, al birinshi oryndy qaraǵandylyq polıseıler jeńip aldy. «Dınamo» dene shynyqtyrý-sport qoǵa­my­nyń vedomstvoaralyq spar­takıa­dasynyń qorytyn­dylary boıyn­sha úshinshi oryndy TJM komandasy, ekinshi oryndy Ulttyq ulannyń komandasy, birinshi oryndy IIM komandasy ıelendi.

Jeke salmaq kategorııalary boıynsha 100 kılo jáne odan joǵary salmaq dárejesi boıynsha birinshi oryndy Almaty oblysy polısııa departamentiniń qyzmetkeri Jánibek Dúı­sem­baev ıelendi. 100 kıloǵa deıingi sal­maqta Almaty oblysy po­lı­sııa departamentiniń qyz­met­keri Aleksandr Kosachev, 90 kılo sal­maqta Aqmola oblysy po­lısııa departamentiniń qyz­metkeri Áset Júnisov, 82 kılo salmaqta Túrkistan oblysy polısııa departamentiniń qyz­metkeri Erkeǵalı Qýan­dyq, 74 kılo salmaqta Alma­ty qalasy Polısııa departa­mentiniń qyz­metkeri Dáýren Qamash, 66 kılo salmaqta Nur-Sultan qalasy polısııa departamentiniń qyz­met­keri Erbolat Qunanbaev úz­­dik atandy. Júldegerler «Dı­­­namo Barysy» beldigimen, ký­bok­tarmen jáne gramotalarmen marapattaldy.

Tó­zimdilik, kúsh-jiger jáne shyń­dalǵan tehnıka – mu­nyń bári qyzý tartysta sátti óner kórsetýdegi mańyzdy qa­­sıetter. Sporttyń tartys­ty túri men halqymyzdyń ult­­­tyq dástúrin biriktirgen sport­tyq mereke 23 maýsym­da atap ótkeli turǵan el po­lı­­sııasynyń mereıtoıyna da­ıyn­dyqtyń jarqyn kezeńi», dep atap ótti oblystyq polısııa de­­par­tamentiniń bastyǵy, polısııa polkovnıgi Aıdyn Qab­duldınov.

Sporttyq merekeniń qur­metti qonaqtary qatarynda Mádenıet jáne sport vıse-mınıstri Serik Jarasbaev, «Dı­namo» DShSQ Ortalyq keńesi tór­aǵasynyń birin­shi oryn­basary Asqar Omar­qulov, oblystyq kúsh­tik qurylym­dardyń basshylary, ataqty sport­shylar jáne ardagerler qa­tysty.