QR Prezıdent Ákimshiliginiń jáne Batys Qazaqstan oblysyndaǵy Bórli aýdandyq maslıhat depýtattarynyń kelisimimen Bórli aýdanynyń ákimi laýazymyna Ihsanov Erkebulan Nuretdınuly taǵaıyndaldy, dep habarlaıdy Egemen.kz Batys Qazaqstan oblysy ákiminiń baspasóz qyzmetine silteme jasap.
Erkebulan Ihsanov 1982 jyly Batys Qazaqstan oblysynda dúnıege kelgen. Bilimi joǵary, 2003 jyly Batys Qazaqstan gýmanıtarlyq akademııasyn ekonomıst mamandyǵy boıynsha jáne 2013 jyly Qazaqstan Respýblıkasy Prezıdenti janyndaǵy Memlekettik basqarý akademııasyn memlekettik jáne jergilikti basqarý magıstri boıynsha aıaqtaǵan.
Eńbek jolyn 2004 jyly Kaztalov aýdanynyń halyqty áleýmettik qorǵaý bóliminiń statısti bolyp bastady. Ár jyldary Batys Qazaqstan oblystyq eńbek jáne halyqty áleýmettik qorǵaý departamentiniń bas mamany, oblystyq mádenıet basqarmasynyń qarjy-ekonomıkalyq bóliminiń bas mamany, oblystyq ekonomıka jáne bıýdjetti josparlaý basqarmasynyń bas mamany jáne bólim basshysy, Oral qalasy qarjy bóliminiń basshysy qyzmetterin atqardy. 2016 jyldyń tamyz aıynan beri Bórli aýdany ákiminiń orynbasary bolyp qyzmet etti.
Aıta keteıik, 2019 jyldyń qyrkúıeginen búginge deıin Bórli aýdanynyń ákimi laýazymynda bolǵan Mırjan Satqanov keshe, 26 sáýir kúni Oral qalasynyń ákimi qyzmetine taǵaıyndalǵan bolatyn. Batys Qazaqstan oblysy ortalyǵynyń burynǵy ákimi Abat Shynybekov oblys ákimi apparatynyń jetekshisi qyzmetine aýysty.