Parlament Májilisiniń depýtaty Edil Jańbyrshın Mańǵystaý óńirindegi sapary barysynda temirjolshylarmen kezdesti.
Depýtattyń aıtýynsha, júregi elim, jerim, halqym dep soǵatyn árbir azamat konstıtýsııalyq ózgeristerdi talqylaýǵa belsene aralasyp, referendýmǵa qatysyp, óz tańdaýyn jasaýy kerek.
Temirjolshylar ózderin tolǵandyrǵan suraqtardy alǵa tartyp, Ata Zańǵa engiziletin ózgeristerdiń jekelegen baptary boıynsha ortaq pikirlerin aıtty.
Osy kúni Májilis depýtaty Álııa Ábsemetova Jambyl aýdany Aqseńgir aýylynyń turǵyndarymen kezdesti.
Depýtattyń pikirinshe, referendým ótkizý – halyqqa degen senimniń, azamattardy memlekettik basqarý isine keńinen tartýdyń aıqyn belgisi. О́z kezeginde Aqseńgir aýyldyq okrýgi aqsaqaldar keńesiniń tóraǵasy Tursynǵalı Sarybaev Qazaqstannyń bolashaǵyn aıqyndaıtyn, oıymyzdy ashyq jetkizýge múmkindik beretin referendýmdy tolyq qoldaımyz degen pikir bildirdi.
Sondaı-aq Májilis depýtaty Dmıtrıı Koloda osy kúni Soltústik Qazaqstan oblysyna baryp, Petropavl qalasynda zaýyt jumysshylarmen kezdesip, Konstıtýsııalyq reforma tóńireginde mazmundy áńgime órbitti.
S.Kırov atyndaǵy zaýyt – kóne kásiporyndardyń biri. Zamanaýı tehnıkalyq quraldardy óndiredi. Kásiporynda 500 adam eńbek etedi, olar konstıtýsııalyq túzetýlermen tolyqtaı tanysqandaryn jáne qoldaıtyndaryn aıtyp, referendýmǵa qyzyǵýshylyq tanytty.
Aımaqtarǵa sapar barysynda depýtattar referendým Qazaqstan damýynyń jańa kezeńindegi tarıhı oqıǵa ekenin aıtyp, el turǵyndaryn belsene qatysýǵa shaqyrdy.