Qyzylorda oblysynda jumys saparymen júrgen Amanat partııasynyń músheleri, Májilis depýtattary Baqytbek Smaǵul men Gennadıı Shıpovskıh Jalaǵash aýdanyndaǵy jetekshi sharýashylyqtardyń biri «Tań LTD» eńbek ujymymen kezdesti.
Aldymen sharýshylyq jumysymen tanysqan depýtattar eńbek ujymyna referendýmnyń mańyzdylyǵyn, Ata Zańǵa engiziletin túzetýler men tolyqtyrýlar týraly túsindirdi.
– О́ńirdiń barlyq aýdandarynda bolyp, túrli sala ókilderimen kezdesýde áıelderdiń zeınet jasyn qysqartý, jaıylym jer tapshylyǵy, ónerkásip oryndaryn ashý, sýbsıdııa alý tóńireginde usynystar aıtyldy. Prezıdenttiń referendým ótkizýdegi sheshimi naǵyz «Halyq únine qulaq asatyn memlekettiń» basty ustanymynyń kórinisi ekenin bildiredi. Bul referendým shyn máninde Ádiletti Qazaqstan qurý jónindegi saıası reformalardy júzege asyrýdyń alǵysharty, – dedi Baqytbek Smaǵul.
О́z kezeginde Májilis depýtaty Gennadıı Shıpovskıh referendýmnyń mańyzdylyǵy men adam quqyqtarynyń qorǵalýy baǵytynda engiziletin ózgeristerge toqtaldy.
– Quqyq qorǵaý salasynda eleýli ózgerister engizilmek. Sonyń ishinde Konstıtýsııalyq sot qurylady. Adam quqyqtary jónindegi ýákil, ıaǵnı ombýdsmen mártebesi Ata Zańmen aıqyndalady. Munyń bári azamattardyń quqyqtary men bostandyqtaryn qorǵaý úshin jasalmaq, – dedi depýtat.
Is-shara sońynda «Tań LTD» ujymy usynylǵan ózgeristerge qoldaý bildirip, referendýmǵa qatysýǵa daıyn ekendikterin aıtty.