Yqpaldastyq úrdisteri

Parlamenttegi Halyqaralyq ister, qorǵanys jáne qaýipsizdik komıtetiniń tóraǵasy, «Nur Otan» partııasy fraksııasynyń múshesi Máýlen Áshimbaev Tájikstan Halyqtyq-demokratııalyq partııasy delegasııasymen kezdesti, dep habarlady Májilistiń baspasóz qyzmeti. Kezdesý ıeleri eki el ynty­maq­tastyǵynyń ózekti másele­lerin talqylady. Máý­len Áshimbaev Tájikstan Qazaq­stannyń Ortalyq Azııadaǵy eko­nomıkalyq jáne saıası mańyzdy seriktesi ekenin atap ótti. Taraptar Eýrazııa keńistigindegi ıntegrasııalyq úrdisterge basa nazar aýdardy. О́z kezeginde Tájikstan Halyqtyq-demokratııalyq partııasy tóraǵasynyń orynbasary Asror Latıpov bizdiń elimizdiń qarqyndy damý deńgeıin sóz etti. – Sizderdiń Prezıdent­terińiz­diń týǵan halqy úshin jasap jatqan eńbegi zor. Oǵan Qazaqstannyń barlyq saladaǵy orasan jetistikteri dálel, – dedi meıman. Partııaaralyq yqpal­das­tyq­ty damytý taqyryby da áńgime ózegine aınalyp, ásire­se, fraksııalyq deńgeıdegi qa­dam­darǵa kóńil bólindi. M.Áshimbaev áriptesterin Tájikstan Ha­lyqtyq-demokratııalyq partııa­synyń 20 jyldyq mereıtoıymen quttyqtaı kelip, partııanyń eldiń turaqtylyǵy men ekonomıkasyn damytýdaǵy róline toqtaldy.