Sharaına
Ortalyq Afrıka respýblıkasyndaǵy «Shekarasyz dárigerler» halyqaralyq gýmanıtarlyq uıymynyń aýrýhanasyna qarýly shabýyl jasaldy. Shabýyl saldarynan 22 adam qurban boldy, olardyń arasynda úsh dáriger jáne jergilikti qaýymnyń on bes jetekshisi bar. «Reıter» aqparat agenttiginiń habarlaýynsha, aýrýhana el astanasynan 450 shaqyrymdaı qashyqtyqtaǵy Nanga Bogýıla eldi mekeninde ornalasqan. Shabýyl senbi kúni aýrýhanada jergilikti qaýym basshylary jınalǵan kezde jasalypty. Ony kimderdiń uıymdastyrǵany qazirge belgisiz bolyp otyr. Bul elde ótken jyldyń jeltoqsanynda «Seleka» atalatyn musylman uıymy men «Antı balaka» hrıstıan kóterilisshileri arasynda bir myńnan astam adamnyń ólimine soqtyrǵan iri qaqtyǵys bolǵan edi. Bılik partııasy jeńiske jetti Makedonııada ótken prezıdent jáne parlament saılaýynyń aldyn ala nátıjesi boıynsha, Makedonııa ulttyq birligi demokratııalyq partııasy men eldiń qazirgi prezıdenti jeńiske jetken. Bul aqparatty «Frans-press» agenttigi taratty. Bıýlletenderdi sanaǵannan keıingi málimetterge qaraǵanda, qazirgi bılik partııasy 42,27 paıyz daýys jınaǵan. Oppozısııalyq Sosıal-demokratııalyq odaǵy partııasyna saılaýshylardyń 22,8 paıyzy daýys bergen. Al prezıdent saılaýynda qazirgi memleket basshysy Georgıı Ivanov 56 paıyzben kósh bastap otyr. Onyń negizgi básekelesi Stevo Pendarovskı 39,49 paıyz daýys alypty. Sosıal-demokratııalyq partııasynyń jetekshisi Zoran Zaev saılaý nátıjesin moıyndamaıtyndaryn málimdedi. Baıqaýshylardyń aıtýynsha, daýys berý barysynda birqatar kemshilikter oryn alǵan. Biraq, olar saılaýdyń jalpy nátıjesine áser etpeıdi.Qysqa qaıyryp aıtqanda:
«Tıtanık» kemesiniń aman qalǵan jolaýshysy Eshter Harttyń haty aýksıonda 200 myń dollarǵa satyldy. Ol bul hatty keme aısbergke soǵylýyna birneshe saǵat qalǵanda jazǵan eken. Úndistannyń Varanası eldi mekeninde 179 jasqa kelgen Mahacha Mýrası esimdi qart turady. Túrkııalyq aqparat quraldarynyń habarlaýy boıynsha, ol 1835 jyly dúnıege kelgen kórinedi. Iran prezıdenti Hasan Rýhanı el astanasyn Tehrannan kóshirýge qoldaý bildirgen. Prezıdent osyǵan baılanysty óziniń ákimshiligi daıyndaǵan josparmen kelisken jáne qala basshylaryna tapsyrmalar bergen. Aýǵanstannyń soltústigindegi sý tasqynynan qurban bolǵandardyń sany 110 adamnan asyp otyr. Tabıǵat apatynan iz-túzsiz ketkender qatary da ósip barady. Jergilikti bılik apat saldarynan eki myńnan astam úı qıraǵanyn aıtady. Terrorlyq áreketterdiń aldyn aldy ITAR-TASS agenttiginiń habarlaýynsha, Daǵystannyń Derbent eldi mekeninde mamyr merekesi kezinde terrorlyq áreketter jasaýǵa daıyndalǵan sodyrlardyń kózi joıyldy. Ulttyq antıterrorlyq komıteti aqparat ortalyǵynyń málimetterine qaraǵanda, arnaıy operasııa eki baǵytta júzege asyrylǵan. Polıseıler Narımanov jáne general Saıdov kósheleriniń qıylysynda jeńil avtomobıldi toqtatpaqshy bolady. Kólik ishinde otyrǵan qarýly adamdar olarǵa qarsy oq atady. Atys kezinde eki sodyrdyń kózi joıylady, bir polıseı jaralanady. Sol ýaqytta osy eldi mekendegi úılerdiń birinde jasyrynǵan taǵy bir sodyrlar toby qorshaýǵa alynady. Shabýyl barysynda úıdegi jarylǵysh qondyrǵy iske qosylyp ketip, kúshti jarylys bolady. Úsh sodyr sol jerde qaza tabady. Oqıǵa ornynan avtomattar, granatalar men oqtar tabylǵan. Premer otstavkaǵa ketetinin málimdedi Ońtústik Koreıanyń premer-mınıstri Chon Hon Von óziniń otstavkaǵa ketetinin málimdedi. Buǵan kóptegen adamnyń ómirin jalmaǵan «Sevol» paromynyń apatyna baılanysty el úkimetine aıtylǵan syndar sebep bolǵan. О́tken jeksenbide jasaǵan qysqasha málimdemesinde ol eger ózi premerlik qyzmetin ári qaraı jalǵastyra berse, bul úkimetke qıyndyq týǵyzady, degen pikir bildiripti. «Úkimet atynan qalyptasqan osyndaı problemalar úshin keshirim suraımyn» dedi ol. Sonymen qatar, premer bolashaqta elde mundaı qatelikterge jol berilmeıtindigine senimdi ekenin de atap ótken. Sóziniń sońynda saıasatker ózine qarsy sý quıylǵan bótelke laqtyrylsa da, apat bolǵan kúnniń erteńinde qaza tapqandardyń týǵan-týystaryna baryp, qaıǵylaryna ortaqtasqanyn da aıtqan. H.Klıntondy qoldaıtyndaryn bildirdi AQSh-tyń qastandyqpen óltirilgen burynǵy prezıdenti Djon Kennedıdi jaqtaýshylar elde endi bir jarym jyldan keıin ótetin prezıdenttik saılaýdaǵy kandıdattar praımerızinde demokrattar arasynan Hılları Klıntondy qoldaıtyndaryn bildirdi. Eks-memlekettik hatshy óziniń taǵy bir márte prezıdenttik saılaýǵa túskisi keletini jóninde qazirge málimdegen joq. Degenmen, saıasatkerler dál qazirgi kezde partııa ishinen oǵan básekelese alatyn qarsylasty kórip turmaǵandyqtaryn aıtady. Hılları Klınton birneshe jyldan beri ózin saıasattan alystaý ustap keledi. Sondaı-aq, ol amerıkalyqtar aldynda sóılegen sózderinde 66 jastaǵy oǵan áje bolý erekshe unaıtynyn bildirgen de bolatyn. «Vashıngton post» basylymynyń jazýynsha, áje atanyp, nemere baǵý saılaý kompanııasy kezinde Klıntonǵa kedergi jasamaıdy. Buǵan mysal retinde basylym 70 jasynda prezıdent bolyp saılanǵan Ronald Reıgandy keltiredi. Tuńǵysh ret áıel adam tirkeldi Sırııada el tarıhynda prezıdenttikke tuńǵysh ret áıel adam tirkeldi. Ol – Latakııa provınsııasynda ınjener bolyp isteıtin Sıýsan ál-Haddad esimdi áıel. Ony Sırııa prezıdenttigine kandıdat etip tirkeý týraly ótinish eldiń joǵary konstıtýsııalyq sotynan túsken eken. Eldiń zań shyǵarýshy organy – halyqtyq keńestiń málimdeýinshe, qoldanystaǵy konstıtýsııaǵa sáıkes, kandıdat bolyp resmı beký jáne saılaýaldy naýqanǵa qatysý úshin ol joǵarǵy zań shyǵarýshy organnyń keminde 36 depýtattyń qoldaýyna ıe bolýy kerek. Al prezıdenttikke kandıdattardy tirkeý 22 sáýir men 1 mamyrǵa deıin júrgiziledi. Saılaý osy jyldyń 3 maýsymyna belgilengen.Internet materıaldary negizinde ázirlendi.