Memleket basshysynyń halyqpen kezdesýdi jańa formatta ótkizý jónindegi tapsyrmasyna sáıkes oblys ákimi Nurlybek Nálibaev Qyzylorda qalasynyń turǵyndarymen júzdesti. Jıynǵa Prezıdent Ákimshiliginiń memlekettik ınspektory Eldar Kúzenbaev qatysty.
Halyqty tolǵandyratyn áleýmettik máselelerge basa nazar aýdara otyryp, Qazaqstandy jańǵyrtý baǵdarynyń negizgi baǵyttary týraly habardar etken mundaı kezdesýler barlyq aýdanda ótti. Oblys ortalyǵy turǵyndary aldynda aımaq basshysy óńirdi damytýdyń perspektıvalyq qadamdaryna toqtalyp, ınfraqurylym damytý, qoǵamdyq kólik qyzmetin jaqsartý baǵytyndaǵy jańalyqtardy aıtty.
Injenerlik-kommýnaldyq ınfraqurylymdy damytý eldiń ál-aýqatyn arttyrý kórsetkishiniń biri ekeni daýsyz. Bul rette Qyzylordadaǵy áýejaıdyń zamanaýı sıpatqa ıe bolýy kerektigi kópten beri aıtylyp kele jatqany taǵy ras. Aldaǵy ýaqytta Bolat О́temuratov qorynyń demeýshiligimen jańa áýejaı termınaly salynady. Bıyl Qyzylorda qalasyna úlken syıymdylyqtaǵy 150 jańa avtobýs alynýy bıliktiń qoǵamdyq kólik salasyndaǵy shıelenisken máseleni sheshýge kiriskenin kórsetedi.
– Jaqyn kúnderi Qyzylorda qalasynda oblystyq qan ortalyǵynyń qurylysy bastalady. Keler jyly 100 kelýshige arnalǵan emhanasy bar 300 tósektik kópbeıindi aýrýhana qurylysy salynady. Alda oblys ortalyǵynan Neke saraıy, О́ner ortalyǵy boı kótermek. «QazGerMunaı» kásiporny qalanyń sol jaǵalaýynan Oqýshylar saraıyn salyp berýdi óz mindetine aldy, – dedi aımaq basshysy.
Oblys basshysy ótken aıda óńirimizge saparlaǵan Ulttyq ekonomıka jáne Energetıka mınıstrleri birqatar mańyzdy jobaǵa qoldaý bildirgenin de aıtyp ótti. Tıisti oryndar tarapynan maquldanǵan bastamanyń biri – quny 215 mlrd teńge bolatyn jylý elektr stansasynyń qurylysy. Joba 2025 jyly júzege asady.
Osy jyly shahardy sýmen jabdyqtaý úshin «Nurly jer» memlekettik baǵdarlamasy aıasynda 4 joba jáne oblystyq bıýdjet esebinen 4 joba boıynsha jumys júrgizilýde.
Qalanyń jańa turǵyn aımaǵyn damytý maqsatynda az jyldyń aıasynda myńdaǵan turǵynnyń mekenine aınalǵan Syrdarııa ózeniniń sol jaǵalaýynda «Gúl býlvaryn» abattandyrý úshin jobalyq qujattar ázirlenýde.
Kezdesýde gazdandyrý máselesi de aıtyldy. Qalaǵa qarasty Mahambetov eldi mekenin gazdandyrý keler jyly aıaqtalady. Qosshyńyraý aýyldyq okrýgi ortalyǵy Abaı aýylyna «kógildir otyn» jetkizý úshin Energetıka mınıstrligine bıýdjettik ótinim usynylǵan.
Basqosýda óńir basshysy oblys ortalyǵyndaǵy jol ınfraqurylymyn damytý jumystaryna da keńinen toqtaldy. Qalada 34 shaqyrym joldy jóndeýge 5,1 mlrd teńge qaralyp otyr. Munan bólek, 19 kóshege jaıaý júrginshiler joly tóselip, qalanyń ortalyq kósheleri jaryq dıodty shamdarmen bezendiriledi. On úsh kóshede ortasha jóndeý jumystary júrip, oblystyq bıýdjet esebinen qalanyń 10 kóshe qıylysyna baǵdarshamdar ornatylatyn bolady.
Osy jumystardy júıeli iske asyrý úshin arnaıy is-qımyl jospary bekitilip, ondaǵy árbir joba qurylysy oblystyq máslıhattyń sheshimimen bekitiletin kezektilik tizimi negizinde bastalady.
Basqosý sońynda oblys ákimi qala turǵyndarynyń saýaldaryna jaýap berdi. Qalalyqtar qoǵamdyq kólik, jol sapasyn jaqsartý, aýyz sý jelilerin tartý jáne densaýlyq saqtaý salasyna qatysty saýaldar qoıdy.
Kezdesýden keıin oblys ákimi Nurlybek Nálibaev jazylǵan azamattardy jeke qabyldap, máselelerin tyńdap, jaýap berdi.
Qyzylorda oblysy