Oral qalasynyń áýejaıynda jóndeý jumystarynyń júrgizilýine baılanysty 1 tamyzdan bastap FlyArystan áýekompanııasy ishki baǵyttar boıynsha Oralǵa oryndalatyn reısterdi toqtatýǵa májbúr, - dep habarlaıdy Egemen.kz atalǵan tasymaldaýshy kompanııanyń baspasóz qyzmetine silteme jasap.
«Shekteýdiń sebebi Oral áýejaıynyń habarlamasynda, ushyp/qoný jolaǵy men perronnyń jasandy tósemine túsetin salmaq pen qarqyndylyǵyna qoıylatyn talaptardyń saqtalýyn qamtamasyz etý maqsatynda ornatyldy dep kórsetilgen», delingen habarlamada.
Áýekompanııa jolaýshylarǵa bılet qunyn tolyqtaı qaıtarýǵa nemese basqa ishki baǵyttar boıynsha tegin qaıta brondaýdy usynady. Barlyq jolaýshylarǵa bılet satyp alý kezinde kórsetilgen sms pen elektrondy poshtalarǵa jeke habarlamalar jiberiledi.