Nur-Cultan qalasynyń ákimi Altaı Kólginov qurylys salasynyń qyzmetkerlerin kásibı merekesimen quttyqtady, dep habarlaıdy Egemen.kz qala ákimdiginiń resmı saıtyna silteme jasap.
«Qurylys salasynyń qyzmetkerlerin kásibı merekesimen quttyqtaımyn!Jan-jaǵymyzda turǵan kóz súısiner ǵımarattar, úıler, mektepter, aýrýhanalar, sáýlet nysandary – osynyń bári qurylysshylardyń eńbegi! Olardyń toqtaýsyz jáne kúndelikti eńbeginiń arqasynda bir kezdegi shaǵyn qala órkendegen elordaǵa aınaldy. Qala turǵyndarynyń sany tórt ese ósti!
El astanasynda 1997 jyldan beri 32 mıllıon sharshy metrden asa turǵyn úı, ondaǵan áleýmettik nysan, onyń ishinde mektepter, balabaqshalar, medısınalyq mekemeler, sporttyq jáne mádenı nysandar salyndy», dep jazdy qala ákimi óziniń Instagram paraqshasynda.
Sondaı-aq ákimniń aıtýynsha, sońǵy úsh jylda elordada 5 jyldyq norma oryndaldy jáne sonyń nátıjesinde 8 mıllıon sharshy metr turǵyn úı salynyp, paıdalanýǵa berildi. Memleket basshysynyń tapsyrmasy boıynsha qoljetimdi áleýmettik baspana qurylysynyń kólemi aıtarlyqtaı ulǵaıdy.
«Kóz súısiner kórikti qalamyz armandar oryndalatyn meken bolyp sanalady. Qala turǵyndary sapaly bilim alyp, karera jasaıdy, otbasyn quryp, baspanaly bolady. Elordanyń damýyna ár adam óziniń úlesin qosyp keledi.
Qurylys salasynyń qyzmetkerlerin kásibı merekemen quttyqtaımyn! Zor densaýlyq, baqyt, tabys jáne árbir bastamalarynyń oryndalýyn tileımin!», dep jazdy Altaı Kólginov.