Orta salmaqtaǵy qazaqstandyq Jánibek Álimhanuly (12-0, 8 KO) resmı túrde WBO (Dúnıejúzilik boks uıymy) nusqasy boıynsha álem chempıony dep tanyldy, dep habarlaıdy Egemen.kz.
Bul týraly Jánibek Álimhanulynyń menedjeri Berik Sultan málim etti. «Súıinshi! Resmı! Búgin! Tarıh jasaldy! Jánibek Álimhanuly álem chempıony boldy! WBO-nyń ýaqytsha álem chempıony edi, qarsylas(Andrade) jekpe-jek ótkizýden bas tartty. Sóıtti de qazaq avtomatty túrde álem chempıony atandy! Búginge deıin WBO-nyń chempıondyq belbeýin eshqandaı qazaq ta qazaqstandyq ta almaǵan. Bul oqıǵanyń tarıh degenimizdiń sebebi osy. Jánibek Álimhanuly tarıhta. Qazaq style tarıhta. Qyzyqtar endi bastalady», dedi Berik Sultan.
WBO belbeýiniń ıegeri Demetrıýs Andrade qazaqstandyqpen kezdesýden bas tartyp, kelesi dıvızıonǵa ótý týraly sheshim qabyldaǵannan keıin, WBO uıymynyń qazaqstandyqty resmı túrde tıtýldyń tolyq ıesi dep jarııalady.