Oblystyq tarıhı-ólketaný mýzeıinde ǵasyrlar arasyn jalǵap turǵan kóne jádigerler kóp. Olardyń birazy kóne shaharda ár jyldary júrgizilgen qazba jumystary kezinde tabylǵan bolsa, birqatary kezdeısoq jaǵdaıda qolǵa túsken. Solardyń biri – nasybaıkeli.
Nasybaıkelini mýzeı qyzmetkerlerine Jýaly aýdanynyń turǵyny ótkizgen eken. Mamandar keltirgen derekterge zer salsaq, jádiger 1940 jyldary jasalǵan kórinedi. Al oblystyq tarıhı-ólketaný mýzeıiniń qoryna 2005 jyly tapsyrylǵan.
«Nasybaıdy úgitýge arnalǵan aǵashtan jasalǵan shuńǵyl ydysty Jýaly aýdanyna qarasty Kúreńbel aýylynyń turǵyny tapsyrǵan bolatyn. Bul jádiger bir qaraǵanda ojaýǵa uqsaıdy. Jıeginiń bir bóligi zaqymdanǵan demeseńiz, qalǵan bóligi bastapqy qalpynan aınymaǵan. Nasybaıkeliniń túbi shuńǵyl bolyp jasalǵan. Ustaıtyn tutqasy da jalpaq. Sondaı-aq jádigerdiń nasybaıdy untaqtaıtyn qalaqshasy da bar. Bul jádigerlerdiń jasalý úlgisine qarap otyryp, sol ýaqyttaǵy azamattardyń shyn máninde sheber bolǵanyna tańdanbasqa amalyń qalmaıdy», deıdi oblystyq tarıhı-ólketaný mýzeıi dırektorynyń orynbasary Zarına Dúkenbaeva.
TARAZ