Altyn kúz kenep betinde...

Qyrkúıektiń mızamyn­da oblystyq О́ner mý­zeıiniń muryndyq bolýy­men, Shyǵystyń bir top sý­retshileri asaı-múseı­lerin asynyp, plenerge shyqqan. Ras, óńirdiń qaı buryshy bolmasyn, ta­bı­ǵaty qulpyryp tur. Tipti jaz­dyń kúni mun­shalyqty sulý bolar ma edi?!

Dástúrli plenerde qyl­qalam sheberleri bir jyly Batys Altaıdy beınelese, endi birde Katonqaraǵaı asyp ketedi. Bıylǵy sapar Ulan aýdanyna tústi. О́s­kemennen tym qashyq emes, Baıash О́tepov aýylyna jetip toqtaǵan. Bul mekenniń taý-tasy, orman-toǵaıy ózge jerge uqsamaıdy. Taý basy taqyrlaý bolyp kelgenimen, eteginen syzylyp ózen aǵa­dy. О́zen boıy tutasqan orman.

Qudash Nursadyqov, Vık­tor Kalının, Erjan Tur­ǵanbaev syndy kásibı sýretshiler avtobýstan túse sala, ár jerge ornyǵyp alyp, etıýd jazýǵa kirisip ketti. Al «Juldyz» óner mek­­­­­tebiniń beıneleý óne­ri páni muǵalimderi Ele­na Mashkına, Oksana Arte­menkolar aldyńǵy tol­qyn aǵa­larynan aqyl-keńes alyp, sheberlikterin shyń­dady.

Dástúrli plenerde «Jań­ǵyrý» shyǵarmashylyq bir­lestiginiń músheleri Mádı Qaıyrhan men Danııar Al­dabergenov tańdaı qaq­ty­rar etıýdter jazyp, us­taz­dary tarapynan jyly le­bizder estidi.

– Tabıǵat aıasyndaǵy etıýd shynaıy ári qundy. Jan­dy kartına deýge bolady. Bıyl kezekti kúzgi plenerge shyqtyq. Osy sapardy uıymdastyrǵan О́ner mýzeıi qyzmetkerlerine rı­zamyz. Sondaı-aq bizdiń bo­ıymyzdaǵy azdaǵan ónerdi baıqap, jetelep júrgen ustazdaryma alǵys aıtamyn, – deıdi jas sýretshi Mádı Qaıyrhan.

Búgingi plenerdiń erek­sheligi, kartına jazǵandy qoıyp, qolǵa qylqalam us­tap kórmegen mýzeı qyz­met­kerleri de kenep betine boıaý túsirdi. Kásibı sýret­shilerdiń baǵyt-baǵdaryna qulaq asa otyryp jazylǵan polotnolarǵa qarap, naǵyz sheberlerdiń jumysy der­siz.

Kúni boıy tynbaı etıýd jazyldy, keshkilik kór­me uıymdastyryldy. Úz­dik kartına avtorlary О́ner mý­zeıiniń atynan sertıfıkattar men kádesyılar tabystaldy.

Shyǵys Qazaqstan oblysy