Tarazda qala kúnine oraı shaǵyn fýtboldan TARAZ CUP týrnıri uıymdastyryldy. BAQ ókilderi bas qosqan alamanǵa Atyraý, Shyǵys Qazaqstan, Qyzylorda, Jetisý oblystarynyń, Almaty, Astana, Shymkent qalalarynyń jýrnalısterinen quralǵan komandalar qatysyp, ózara úzdikti anyqtady.
Jalpy sany 11 komanda baq synaǵan týrnırde komandalar úsh topqa toptastyryldy. О́z tobynan úzdik shyqqan ujymdar shırek fınalǵa joldama alsa, joly bolmaǵan komandalar jarysty erte aıaqtady. Ármen qaraı – jartylaı fınal, fınal.
Tarazdaǵy týrnırde Atyraý oblysynan kelgen Atyrau Aqparat komandasy myqty degen qarsylastardan aılasyn asyryp, shaǵyn sensasııa avtory atandy demesek, basqa komandalar oıyn órnegimen eshkimdi tańǵaldyra qoıǵan joq.
Toptyq kezeń jáne shırek fınaldaǵy oıyndarǵa qaraǵanda, jartylaı fınaldyq kezdesýler tartysqa toly boldy. BAQ ókilderi arasyndaǵy dodalarda shappaı báıge alyp júrgen Kazmedia Voltman komandasy men «Almaty» quramasy arasyndaǵy matchty jurt «fınalǵa deıingi fınal» dep beker aıtpasa kerek. Bul oıynda almatylyqtar fınalǵa bir taban jaqyn bolǵanymen, sońǵy mınýttarda kambek jasaǵan elordalyqtar 3:2 esebimen jeńisti julyp aldy. Ekinshi jartylaı fınalda týrnırdiń jańalyǵyna aınalǵan Atyrau Aqparat komandasy qyzylordalyq «Aqmeshit» komandasynan basym tústi.
Týrnır barysynda qarsylastaryn qoǵadaı japyryp kelgen Kazmedia Voltman komandasy sheshýshi kezdesýde Atyrau Aqparat ujymyn qarsylas kórmeı 4:1 esebimen jeńip, týrnır chempıony atansa, atyraýlyqtar ekinshi oryndy ıelendi. Úshinshi oryn úshin ótken matchta almatylyqtar qyzylordalyq «Aqmeshit» komandasynan 3:0 esebimen basym túsip, qola júldeger atandy.
Týrnır chempıony 1 mln teńgeniń sertıfıkatyn ıelense, ekinshi oryn alǵan komandaǵa – 500, úshinshi oryn ıelengen ujymǵa 300 myń teńgeniń sertıfıkaty tapsyryldy. Sondaı-aq óz amplýasy boıynsha úzdik dep tanylǵan oıynshylarǵa 50 myń teńgeden syıaqy berildi.
TARAZ