Qazaqstandyq rejısser Darhan Tólegenovtiń «Aǵaıyndylar» debıýttik tolyqmetli fılmi Oldenburg International Film Festival (Germanııa) kınofestıvalinde júldege ıe boldy.
Mádenıet jáne sport mınıstrligi habarlaǵandaı, kınokartına qazylar alqasynyń arnaıy syılyǵy – Spirit of Cinema («Kıno rýhy») atalymy boıynsha marapattaldy. Júlde retinde rejısserge qola músinshe tabystaldy.
«Aǵaıyndylar» – Oldenbýrg halyqaralyq kınofestıvalinde kórsetilgen alǵashqy qazaqstandyq fılm. Sonymen qatar kartına AQSh, Kanada, Reseı jáne Albanııadaǵy festıvalderdiń resmı baǵdarlamalaryna kirdi. Ulttyq kınony qoldaý memlekettik ortalyǵynyń kómegimen túsirilgen fılm otandyq prokatqa kelesi jyldyń basynda shyǵady.
Aıta keteıik, Oldenburg International Film Festival 14-18 qyrkúıek aralyǵynda ótken bolatyn.