Birikseń, bir traktor beredi

Bir kezderi Baızaq aýdanynda iri-iri 10 keńshar bolǵan eken. Qazir maıda-maıda 2770 sharýa qo­jalyǵy bar. Árıne, bulardy birik­tirý, irilendirý jumysy óz re­timen júrip keledi, biraq usaq-usaq bolǵan soń olardyń sharýa­sy da, mashaqaty da shash etek­ten. Ne nesıe ala almaıdy, ne mem­le­­ket tarapynan beriletin jeńil­dik­­terdi paıdalana bilmeıdi. Bul bir ǵana Baızaqtyń emes, bar­lyq aýdan­nyń basynda bar jaǵ­daı. Son­­dyqtan mundaı usaq qoja­lyq­­tardy biriktirý basty másele bolyp tur. Jambyl oblysynda 50 gektarǵa deıin jer telimi bar sharýashylyqtardyń úlesi 64,4 pa­ıyzdy quraıdy. «Bulardyń aldyń­ǵy qatarly ǵylymı-teh­nı­ka­lyq jetistikterdi, atap aıt­­qanda tamshylatyp jáne jań­byr­latyp sýarý, basqa da yl­ǵal resýrs saqtaý tehnologııa­syn, óndiriske agrotehnologııa­ny, aýys­paly egis júıesin endirý­ge, ósim­dikti qorǵaýdy durys jol­ǵa qoıýǵa eshqandaı múmkin­shi­­likteri joq», deıdi oblys­tyq aýylsharýashylyǵy basqar­ma­synyń basshysy Abdaly Nura­lıev. Rasynda sóz etip otyr­ǵan sala alǵa basýy úshin ǵylymmen tyǵyz baılanysta bolýy kerek. Ekken egin kóp nemese az ónim berse de, sonyń syryn zerttep, sońǵy tehnologııalardy endirip otyrmasa, esh nárse damymaıdy. Taǵy da myqty mamandar qajet. Al, usaq, áleýeti az sharýashylyqtar mundaı jaǵdaıǵa qol jetkizýdi oılanbaıdy da, tipten múmkindigi de joq. Sondyqtan aýyl sharýa­shylyǵy basqarmasy osy iske belsene kirisip, birigýdiń úsh  jolyn usynyp otyr. Ol boıynsha usaq qojalyqtar irgesindegi iri sharýashylyqtarǵa qosylý, óńdeýshi kásiporyndarǵa birigý jáne óńkeı usaq qojalyqtardyń ózderi birigip, iri sharýashylyqqa aınalý. Bul tusta aıta ketetin bir erekshelik, birigýdiń arqasynda úlken ujymǵa aınalyp, jumysyn táp-táýir bastaǵan keıbir sharýa­shylyqtarǵa «Taraz» ÁKK arqyly tehnıka áperý isi pılottyq joba retinde qarastyrylyp otyr. Iаǵnı, ár aýdannan kem degende bir sha­rýa­shylyqqa osyndaı demeý­­shi­lik jasalatyn bolady. Iаǵnı, ju­mysyn kóp bolyp bastaǵan ujym­­darǵa traktor, soqa, basqa da aýyl sharýashylyǵyna qajetti tehnıkalardy berý josparda bar. Atalmysh joba «2013-2020 jyl­­­­dar­ǵa arnalǵan Jambyl obly­sy­nyń aýyl sharýashylyǵy qury­lym­daryn irilendirý» baǵdar­la­masy boıynsha ázirlenip, halyq qalaý­lylarynyń qoldaýyna ıe bolǵan. Bıyl Jambyl oblysynda jos­par boıynsha 1252 sharýa­shy­lyqty biriktirý kerek bolsa, búgingi kúnge deıin 146 sharýa­shy­lyq irilendi. Jańa joba sharýalardy birigýge yntalandyrady degen úmit bar. Oralhan DÁÝIT, «Egemen Qazaqstan». Jambyl oblysy.