Taldyqorǵan qalasyndaǵy fızıka-matematıkalyq baǵyttaǵy Nazarbaev Zııatkerlik mektebiniń sońǵy qońyraý merekesine arnalǵan «Qosh bol, altyn uıa mektebim!» atty saltanatty jıyny bolyp ótti.
Onyń birinshi ereksheligi – qazaq jáne aǵylshyn tilderinde júrgizildi. Atyna zaty saı osynaý oqý ordasy mektep maqtanyshtary, halyqaralyq, respýblıkalyq pán olımpıadalarynyń jeńimpazdary, ǵylymı jobalar jarysynyń jeńimpazdarymen de maqtana alady. Sóıtip, óńirdegi ózge bilim shańyraqtarynan bıiktigin kórsetip, memlekettik talapqa saı óskeleń urpaqty bilim nárimen sýsyndatyp jatqanyn taǵy bir márte kórsete aldy.
Merekelik sharaǵa Almaty oblystyq bilim basqarmasynyń basshysy Jandarbek Dalabaev, Taldyqorǵan qalasynyń ákimi Ermek Alpysov arnaıy kelip qatysyp, túlekter qýanyshyn bólisti. Álbette, mektep dırektory Gúlaıym Baıjıkenova bastaǵan ustazdar men ata-analar quttyqtaý sózdi ádemi jalǵastyrdy. Sonymen, aıtýly bilim ordasynan taǵy bir lek túlekter qanat qaqty.
Nurbol ÁLDIBAEV,
«Egemen Qazaqstan».
Almaty oblysy.