Tennıs. Qazaqstan tennısshileri «Rolan Garros» týrnıriniń jarysy sanalatyn Fransııa ashyq birinshiligine qatysýda.
Jarystyń alǵashqy kúni Iаroslava Shvedova birinshi aınalymda amerıkalyq Laýran Davısti 3:6, 7:5, 6:4 esebimen utty. Endi ol fransııalyq, álemniń 213 raketkasy Paýlın Parmentıermen kezdesedi. Shvedova juptyq jáne mıkst synyna da qatysady.
Erler arasynda Mıhaıl Kýkýshkın birinshi aınalymda Fransııa tennısshisi Nıkolas Maıýdy 6:3. 6:7. 6:3. 6:4 esebimen jeńdi. Onyń kelesi qarsylasy – álemniń onynshy raketkasy amerıkalyq Djon Ishner. Sol sııaqty Aleksandr Nedovesov úndistandyq Somdev Devvarmannan 5:7. 6:3. 7:6, 6:3esebimen basym tústi. Endi ol álemniń altynshy raketkasy Tomas Berdyhpen (Chehııa) kezdesedi. Andreı Golýbev áli oınaǵan joq. Ol birinshi aınalymda Endı Marreımen kúsh synasady.
Kásipqoı boks. Jaqynda qazaq boksshysy Qanat Islam óziniń kásipqoı bokstaǵy on jetinshi kezdesýin ótkizip, jeńiske jetti.
Ol Kolýmbııada jergilikti boksshy Fransısko Korderony utty. Kezdesýdiń ekinshi raýndynda Qanat qarsylasyn nokaýtqa jiberdi.
Bul Qanattyń kásipqoı bokstaǵy 17 jekpe-jegindegi 17-jeńisi. Ol buǵan deıin ótkizgen aıqastarynyń bárinde qarsylastaryn aıqyn basymdyqpen jeńgen. Al Qanatpen kezdesken Korderonyń bul úshinshi jeńilisi.
Qazir Qanat WBA tujyrymy boıynsha orta salmaqta (69,85 kg) reıtınginde 12 orynda tur. Onyń salmaǵynda álemniń sýper chempıony amerıkalyq Floıd Meıýezer kósh bastap keledi. Qanattyń rıngtegi laqap aty – «Qazaq». Osy kúnderi ol AQSh-tyń Maıamı qalasynda jattyǵady.
Boks. Almatyda tuńǵysh ret áskerı qyzmetkerler arasynda 55-shi álem chempıonaty ótedi.
Jarys Keńes Odaǵynyń batyry, «Halyq Qaharmany», elimizdiń tuńǵysh qorǵanys mınıstri, armııa generaly Saǵadat Nurmaǵanbetovti eske alýǵa arnalady.
Oǵan álemniń 25 eliniń, atap aıtqanda Kolýmbııa, Fransııa, Brazılııa, Shrı-Lanka, Ońtústik Koreıa, Reseı, Gollandııa, BAÁ, Kýveıt, Týnıs, Grýzııa, Irak, Nıgerııa jáne basqa da elderiniń boksshylary qatysady. Bıylǵy chempıonat 26 mamyr men 4 maýsym aralyǵynda «Dostyq» sport kesheninde ótedi.