• RUB:
    6.68
  • USD:
    520.93
  • EUR:
    609.07
Basty saıtqa ótý
Rýhanııat 07 Jeltoqsan, 2022

Ertegi álemine saıahat

793 ret
kórsetildi

Oblystyq ardagerler keńesi janyndaǵy «Analar alqasy» men «Anaǵa taǵzym» ortalyǵy arasyndaǵy kelisimge sáı­kes óńirde «Ájemniń ertegisi» jobasy qolǵa alyndy. Endi ájeler oblystyń ár qıyrynda ornalasqan bala­baq­shalarǵa arnaıy at basyn buryp, balalarǵa ertegi aıtyp, olardyń oı-órisiniń damýyna yqpal etetin bolady.

Joba aıasynda alǵash­qy­lar­dyń biri bolyp Janat Musabekova men Maısa Sul­tanova shalǵaıdaǵy Moıyn­qum aýdanyna bardy. Olar atalǵan aýdannyń Aıdarly aýylyndaǵy «Balapan», Qum­ózek eldi mekenindegi «Ba­laý­sa» jáne Shyǵanaqtaǵy mektepke deıingi bilim berý me­kemesine kelip, baldyrǵandar úshin qyzyqty sanalatyn túr­li taqyryptaǵy ertegiler men ańyz áńgimelerdi aıtyp berdi.

«Anaǵa taǵzym» orta­ly­ǵy­nyń basshysy Elmıra Myr­zaǵalıdyń aıtýynsha, á de­gen­nen-aq balalar ájeler aıtqan er­tegilerdi uıyp tyń­dap, zor qy­zyǵýshylyq tanyt­qan. Joba aldaǵy ýaqytta óńirdiń barlyq aýdan­yn qamtymaq.

«Búginde balalardyń bar­­lyǵy da smartfonǵa tá­ýeldi. Tele­fonǵa telmirgen urpaq­tyń ertegi tyńdaǵany durys. Sol arqyly oı-órisi damı­dy, ta­nymy ar­ta túsedi. Odan bó­lek, til baı­lyǵy to­­lysady. Osynyń bá­rin es­ker­gendikten eki tarap ke­li­se kele, jańa jobany qol­ǵa alyp otyrǵan jaıymyz bar. Kezinde bárimiz de áje­lerdiń, analardyń er­te­gisin tyńdap óstik qoı. Sol turǵydan alyp qaraǵanda bul eskiniń jańasha sıpatta ja­ńarýy dep túsingen du­rys shyǵar», deıdi «Anaǵa taǵ­zym» ortalyǵynyń dırektory E.Myrzaǵalı.

TARAZ