Jaqynda Qazaly qalasynyń turǵyny Maǵrıpa Lepesovanyń baspanasy otqa oranyp, qysty kúni qyraýda balalarymen dalada qalǵan edi. Bul jaǵdaıdan habardar bolǵan qala jastary oqys jaǵdaıǵa ushyraǵan otbasyna kómek kórsetip, jabyrqaǵannyń janynan tabyldy.
Jastar jarııalaǵan úndeýge úles qosqandardyń arqasynda aınalasy 2-3 kúnde jetkilikti qarjy jınalyp, baspana satyp aldy. Artylǵan aqshaǵa úıge gaz kirgizilip, jóndeý jumystary júrgizildi.
Osyndaı qamqorlyqtyń arqasynda baspanaly bolǵan Maǵrıpa Lepesovaǵa turǵyn úı kiltin tabys etken aýdan ákimi Muhtar Orazbaev jastarǵa rızashylyǵyn jetkizdi.
– Dana halqymyzda «On adam júrgen jerde iz, júz adam júrgen jerde soqpaq, myń adam júrgen jerde jol qalar» degen bar. Atalar amanattaǵan osyndaı jaqsylyqtyń jolynan jańylmaǵan jastarymyz tilsiz jaýdyń kesirinen úıinen aıyrylǵan jalǵyzbasty anaǵa baspana alyp berdi. Sondyqtan da búgingi ıgi bastamalardy júzege asyryp, el yqylasyna bólengen Qazaly qalasynyń jastaryna alǵysymyzdy aıtamyz, – dedi aýdan ákimi.
Saltanatty is-sharada jańa baspanaǵa qol jetkizgen Maǵrıpa Lepesova qaıyrymdylyq iske uıytqy bolǵandarǵa alǵysyn aıtyp, rızashylyǵyn jetkizdi.
Qyzylorda