Jýyrda Qazaqstan Respýblıkasy Ekologııa jáne tabıǵı resýrstar mınıstri Zúlfııa Súleımenova men Japonııanyń Parlamenttik syrtqy ister vıse-mınıstri Ioshıkava Iýýmı ekijaqty kezdesý barysynda ekologııa salasyndaǵy ózara yntymaqtastyq máselelerin talqylady.
Aıta ketý kerek, Japonııa 2020 jyly 2050 jylǵa deıin parnıktik gazdar shyǵaryndylarynyń nóldik deńgeıine jetýdi maqsat etip qoıdy. Qazirgi ýaqytta Kúnshyǵys eli energetıkalyq kózderden parnıktik gazdardyń shyǵarylý kólemi boıynsha álemde 5-orynda (QHR, AQSh, Úndistan, Reseıden keıin) tur.
Japondyq tarap birlesken Kredıtteý mehanızmi (JCM) aıasynda Qazaqstanmen yntymaqtastyqqa múddeli ekenin bildirdi. Bul mehanızm ozyq tehnologııalardy jáne shyǵaryndylardy azaıtý jónindegi ınfraqurylymdy taratýǵa, sondaı-aq klımattyń ózgerýiniń saldaryn jumsartý jónindegi sharalardy júzege asyrýǵa yqpal etedi. Sonymen qatar JCM parnıktik gazdar shyǵaryndylaryn azaıtýǵa nemese sińirýge baǵyttalǵan Klımattyq jobalardy júzege asyrýdy qarastyrady.
Aıta ketelik, JCM aıasyndaǵy nesıeler atalǵan mehanızm sheńberinde parnıktik gazdar shyǵaryndylaryn azaıtý nemese sińirý boıynsha sharalardy iske asyrý barysynda joba qatysýshylary qol jetkizgen parnıktik gazdar shyǵaryndylaryn azaıtý nemese sińirýdiń sandyq kórsetkishteri negizinde beriledi.
Sondaı-aq taraptar kredıtteýdiń birlesken mehanızmi boıynsha yntymaqtastyq týraly Memorandýmǵa eki eldiń úkimetteri deńgeıinde qol qoıý máselelerin talqylady.
«Egemen-aqparat»