Onlaın-tekserý júıesi memlekettik qyzmetke úmitkerlerdiń testileý sertıfıkattarynyń túpnusqalylyǵyn anyqtaýǵa múmkindik beredi, dep habarlady Memlekettik qyzmet isteri agenttiginiń baspasóz qyzmeti.
Azamattardyń memlekettik organdardaǵy memlekettik ákimshilik laýazymdarǵa ornalasý úshin konkýrstarǵa qatysý kezindegi alaıaqtyq jaǵdaılaryn boldyrmaý maqsatynda sertıfıkattardy onlaın-tekserý júıesi iske qosyldy. Bul júıe aǵymdaǵy jyldyń naýryzynan bastap jumys istep keledi.
Agenttiktiń www.kyzmet.gov.kz saıtynda, «Testileý» aıdarynyń «Testileý nátıjeleri» bólimine azamattyń JSN-in engizgende arnaıy baǵdarlama onyń TAÁ, testileýden ótken kúnin, «О́tti/О́tpedi» degen mártebesin, laýazymnyń sanatyn jáne test tapsyrǵan óńirin kórsetedi.
Memlekettik qyzmet isteri agenttigi memlekettik organdardy osy baǵdarlamanyń jumysy jóninde habardar etti.
Memlekettik organdardyń personaldy basqarý qyzmetteri (kadr qyzmetteri) ózderiniń mindetterin atqarý barysynda Memlekettik qyzmet isteri agenttiginiń saıty arqyly sertıfıkattyń túpnusqalylyǵyn tekserýge mindetti.