Aqparattar aǵyny

● «QazAgro» bıyl Sol­tús­tik Qazaqstan sharýalaryn qoldaýǵa 8,2 mlrd. teńge jum­sady. Vedomstvonyń máli­me­tinshe, qazirgi tańda holdıngtiń ınvestısııalyq qorjynynda 263,8 mlrd. teńgeni quraıtyn 417 joba bar. Olardyń 308-i paıdalanýǵa berilgen. Sonyń ishinde 15,1 mlrd. teńgeniń 47 jo­ba­sy osy oblystyń enshisinde. Qazir bulardyń 37-si iske qo­syldy. ● Pavlodar oblysynda avtomobıl joldary sapasynyń atlasy jasalady. Bul týraly aıtqan oblys ákimi Qanat Bo­zymbaev osy qujattyń negizinde jol jóndeý josparlanyp, konkýrstar ótkiziletinin jetkizdi. Aımaqta jańartý jumystaryna 5,4 mlrd. teńge bólingen. ● О́skemende belgili aqyn Ulyqbek Esdáýlettiń 60 jyl­dyǵyna arnalǵan kesh boldy. Oǵan qatysqan Shyǵys Qazaqstan oblysynyń ákimi Berdibek Saparbaev tanymal qalamgerdi osy mereıtoıymen quttyqtap, kólik mingizip, ıyǵyna shapan japty. ● Aqmola oblysynyń Shý­che qalasynda kásipkerlikti qoldaý ortalyǵy ashyldy. Onyń negizgi maqsaty kásipker bolýǵa ynta bildirgen aýyl tur­ǵyndaryna oıǵa alǵan isin júzege asyrýǵa, kásipkerlerdiń bıznesin damytýǵa qoldaý kórsetý bolyp tabylady. ● Ońtústik Qazaqstandaǵy kóne Kúltóbe murajaı qala­shyqqa aınalady. Túrkistan qalasyndaǵy mavzoleı mańynan tabylǵan bul shahardy  muqııat saqtaý úshin qazir onyń tóbesi jabylyp jatyr.  Bul úshin «Mádenı mura» baǵdarlamasy sheńberinde 9 mln. teńge qarastyrylǵan. ● Qyzylordada Astana kúnine oraı 232 páter paıda­lanýǵa berildi. Oblys ákimi Qy­rymbek Kósherbaev jańa qonys ıelerin quttyqtap, olarǵa saltanatty túrde kilt tabys etti. Munda barlyǵy 8 kópqabatty úı qatarǵa qosyldy. Endi bıyl respýblıkalyq jáne jergilikti bıýdjetterdiń esebinen 5 mlrd. 257 mln. teńgege 24 turǵyn úı salynyp, olardyń 22-si jyl sońyna deıin bitedi. ● Qostanaı qalalyq balalar aýrýhanasy janynan ońal­tý ortalyǵy ashyldy. Onda nevrologııalyq keselge shal­dyqqan balalar em qabyl­daıdy. Ortalyqty qajetti jab­dyq­tarmen qamtamasyz etý úshin jergilikti bıýdjetten 8 mln. teńge qarjy shyǵarylǵan. ● Aqtóbelikter polısııaǵa 310 qarý tapsyrdy. Oblys tur­ǵyn­dary qazir zańsyz saqtalǵan qarýdy tapsyrý jónindegi aksııaǵa belsene qatysýda. Sonymen birge, azamattar polısııaǵa 8 myń dana qarý-jaraq, 0,5 kılo oq-dári men 4 qylyshty erikti túrde ákelip tapsyrǵan. Habarlar «QazAqparat», Altaynews.kz, Alau.kz, Egemen.kz agenttikteri men oblystyq ákimdikter saıttarynyń derekteri boıynsha daıyndaldy.