Qazaqstan Respýblıkasynyń Memlekettik hatshysy Ádilbek Jaqsybekov Italııa Respýblıkasynyń Qazaqstan Respýblıkasyndaǵy Tótenshe jáne ókiletti elshisi Alberto Pıerımen kezdesti, dep habarlady Prezıdenttiń baspasóz qyzmeti.
Memlekettik hatshy A.Pıerıdi Qazaqstandaǵy dıplomatııalyq mıssııasy tabysty aıaqtalýymen quttyqtap, saıası, ekonomıkalyq jáne mádenı-gýmanıtarlyq salalardaǵy ekijaqty qarym-qatynasty nyǵaıtýǵa qosqan eleýli úlesi úshin alǵysyn bildirdi.
Kezdesý barysynda odan arǵy yntymaqtastyqtyń jaı-kúıi men keleshegi, sonyń ishinde Mılanda ótetin EKSPO-2015 jáne Astanada ótetin EKSPO-2017 halyqaralyq kórmelerin ótkizý jumystaryn úılestirý máseleleri talqylandy.
Italııa Qazaqstannyń sheteldik saýda áriptesteri arasynda úshinshi oryn, al Eýropa memleketteri ishinde birinshi oryn alady. 2013 jyly elderimiz arasyndaǵy taýar aınalymy 16,2 mlrd. dollardan asty.