● Qazaqstanda 66 mln. 840 myń kitap sandyq formatqa kóshiriledi. Onyń jaıyn aıtyp bergen «Qazaqfılm» kınostýdııasynyń bas redaktory Dıdar Amantaıdyń málimdeýinshe, kezinde elıtarlyq mádenıetke aınalǵan bul másele elimizdegi mádenıet saıasatynyń tujyrymdamasy arqyly qolǵa alynǵaly jatyr. Prezıdent N.Nazarbaevtyń tapsyrmasy boıynsha jasalǵan qujat úsh kezeńde júzege asyrylady.
● «Astana Opera» alǵashqy «Jibek joly» halyqaralyq festıvalin ótkizedi. Osyǵan oraı elorda teatrynyń sahnasynda Italııa, Fransııa, Qytaı, Reseı jáne Qazaqstan opera jáne balet juldyzdary óner kórsetedi. Astana turǵyndary men qonaqtary joǵary óner merekesin 17 qyrkúıek pen 5 qazan aralyǵynda tamashalaı alady.
● Shymkentte turatyn jastardyń sany 240 myńǵa jýyqtady. Bul týraly «Shymkent jastary» MKM dırektorynyń mindetin atqarýshy Abzalbek Úbeltaev málimdedi. Onyń aıtýynsha, ústimizdegi jyly jastar saıasatyna bólingen qarjynyń kólemi ulǵaıyp otyr. Al shymdy shahardaǵy jastardyń 145 518-in oqýshylar, 94 103-in stýdentter quraıdy.
● Qyzylorda ǵalymdary jemshóptik daqyldardyń jańa suryptaryn shyǵardy. Syr boıyndaǵy bas qaladaǵy «Kúrish sharýashylyǵy ǴZI» JShS mamandary qazir tuz ben qýańshylyqqa tózimdi jańa kóp jyldyq ósimdikter men jazdyq arpa suryptaryn shyǵarýmen aınalysýda. Qazirgi tańda agrarııler nazary ınstıtýtta seleksııadan ótken jońyshqanyń «Túrkistan-15» atty jańa sortyna aýyp otyr.
● Shyǵys Qazaqstanda keme júzetin Shúlbi shlıýzi 2015 jyly iske qosylady. Qazirgi kezde bul nysanda qorǵaýshy gıdrotehnıkalyq qurylǵynyń negizgi elementterin qurastyrý jumystary júrgizilýde. Osymen qatar aldaǵy qurastyrý úshin jabdyqtar men metall quramalary ázirlenip jatyr.
● Keshe Qaraǵandyda elimizdegi eń iri «Arman dostar ordasy» jataqhanasy ashyldy. Ol Bilim jáne ǵylym mınıstrliginiń «Stýdenttik baspana» baǵdarlamasy sheńberinde salyndy. Munda 822 stýdent turatyn bolady. Toǵyz qabatty jańa jataqhana ǵımaraty ýnıversıtet kampýsynda ornalasqan.
● Atyraýda jol boıyna 20 mln. teńgeniń gúl saǵaty ornatyldy. Ol qala men áýejaıdy baılanystyratyn aımaqtaǵy alǵashqy tórtjolaqty tas joldyń oblys ortalyǵyna kireberisine ornatylǵan. Saǵattyń mehanızmi Ýkraınada jasalǵan.
Habarlar «QazAqparat», BNews.kz, Alau.kz, Egemen.kz saıttarynyń derekteri boıynsha
daıyndaldy.