Qazaqstan Prezıdenti Nursultan Nazarbaev Germanııa federaldy kansleri Angela Merkelge el qurama komandasynyń fýtboldan álem chempıonatyndaǵy jeńisine baılanysty quttyqtaý jedelhatyn joldady, dep habarlady Prezıdenttiń baspasóz qyzmeti.
Memleket basshysy asa joǵary deńgeıdegi sheberlik, keremet komandalyq oıyn jáne jeńiske degen jiger Germanııa quramasyna laıyqty qarsylastarynan basym túsip, bıik tuǵyrǵa kóterilýge múmkindik bergenin atap ótken.
«Germanııa Federatıvtik Respýblıkasy qurama komandasynyń fýtboldan bıylǵy álem chempıonatyndaǵy tamasha jeńisine jáne tórtinshi ret chempıon atanýyna baılanysty shynaıy quttyqtaýymdy qabyl alyńyz. Dúnıejúzi qaýymynyń nazaryn aýdarǵan Germanııa komandasynyń bul jeńisi fýtbol tarıhynda aıryqsha iz qaldyrdy», – delingen jedelhatta.
Nursultan Nazarbaev Angela Merkelge jáne dostas Germanııa halqyna aldaǵy ýaqytta da jeńisterge jete berýge tilektestik bildirdi.