Fransııa basshylyǵynyń shaqyrýy boıynsha Memleket basshysynyń arnaıy ókili retinde Qazaqstan Respýblıkasynyń Memlekettik hatshysy Ádilbek Jaqsybekov Fransııanyń Ulttyq meıramyna arnalǵan resmı sharalarǵa qatysty.
Bul jylǵy mereke Birinshi dúnıejúzilik soǵystyń 100 jyldyǵymen tuspa-tus keldi. Elıseı alańynda ótken dástúrli áskerı sherýge alǵash ret XX ǵasyrdyń basyndaǵy janjalǵa qatysy bar barlyq eldiń ókilderi jınaldy. Saltanatty rásimge 80 eldiń delegasııalary shaqyryldy.
Merekelik shara barysynda Qazaqstan Respýblıkasynyń Prezıdenti Nursultan Nazarbaevtyń atynan Fransııa Prezıdenti Fransýa Ollandqa eki el arasyndaǵy strategııalyq seriktestik sıpatynyń mańyzdylyǵy men osy qatynasty odan ári nyǵaıtýǵa senimdilik bildirý basa aıtylǵan quttyqtaý haty tabystaldy, dep habarlady QR SIM-iniń baspasóz qyzmeti.