Qazaqstan basshysy Nursultan Nazarbaev Reseı Federasııasynyń Prezıdenti Vladımır Pýtınge Máskeý metropolıteninde bolǵan poıyz apatyna baılanysty kóńil aıtý jedelhatyn joldady, dep habarlady Qazaqstan Prezıdentiniń baspasóz qyzmeti.
Jedelhatta Máskeý metrosyndaǵy poıyz apaty saldarynan adamdardyń qazaǵa ushyraǵany týraly qaıǵyly habardy Memleket basshysynyń zor kúızelispen qabyldaǵany aıtylǵan.
«Qazaqstan halqynyń jáne jeke óz atymnan qaza bolǵandardyń týǵan-týystary men jaqyndaryna shyn kóńilden kóńil aıtamyn, sondaı-aq, apattan zardap shekkender tezirek saýyǵyp ketedi dep úmittenemin», – delingen jedelhatta.
Nursultan Nazarbaev baýyrlas Reseı halqyna qaıǵyly oqıǵany kóterý úshin tózim men sabyr tiledi.