Bul kúnderi Almaty oblysynyń aýmaǵynda stend atýdan Álem kýbogi ótip jatyr. Bul jarysta 42 memleketten kelgen 350 quralaıdy kózge atqan mergender baq synaýda.
Alataý baýraıyna osynshama kóp sportshynyń jınalýy tegin emes. О́ıtkeni osy dúbirli dodada kelesi jyly Parıjde alaýy tutanatyn Olımpııa oıyndarynyń joldamalary sarapqa salynady. Sol sebepti de Qazaqstannan bólek, Aýstralııa, Ázerbaıjan, Brazılııa, Germanııa, Islandııa, Ispanııa, Italııa jáne Shveısarııadan kelgen sańlaqtar atalǵan básekede baryn salýda.
Qazaqstan quramasy sapynda 20 mergen óner kórsetip jatyr. Solardyń arasynda Azııa oıyndarynyń qola júldegeri Marııa Dmıtrıenko, Álem kýboginde úshinshi orynǵa taban tiregen Ásem Orynbaı, Dúnıejúzilik ýnıversıadanyń fınalısi Edýard Eshenko jáne taǵy basqa tanymal sportshylar bar.