Tarıhy myńjyldyqtarmen sabaqtasyp jatqan Taraz ótken jyly dúnıejúzilik qolónershiler qalasynyń tizimine engen bolatyn. Yqylym zamannan beri saýda-sattyqtyń ordasyna aınalǵan, qolóner sheberleriniń tańdaýly týyndylarymen baıyrǵy dáýirde-aq talaıdy tánti etken kóne qalada II «Taraz – qolónershiler qalasy» halyqaralyq kórmesi uıymdastyryldy.
Ekinshi jyl qatarynan uıymdastyrylǵan halyqaralyq deńgeıdegi is-sharaǵa segiz elden kelgen 250-ge jýyq qolóner sheberleri qatysyp, ózderi jasaǵan buıymdardy áýlıeatalyq áleýmettiń nazaryna usyndy.
«Qazaq pen qyrǵyz ejelden baýyrlas halyq ekeni belgili. Bul kórmege biz de asyǵyp jettik. Alataýdyń arǵy jaǵynan kelgen áriptester kıizden, júnnen toqylǵan buıymdaryn alyp keldi. Bizdiń sheberlerdiń qolynan shyqqan ónimder jergilikti halyq tarapynan zor qyzyǵýshylyq týdyrdy. Satyp alǵandar da joq emes.
Mundaı is-sharalar jıi uıymdastyrylyp tursa, eshkim utylmaıdy. Baýyrlas halyqtar arasyndaǵy qarym-qatynas nyǵaıady, qolóner sheberleri ózara tájirıbe almasyp, jańa baǵyttardy meńgerýge múmkindik alady. Qysqasy, is-shara barshamyz úshin tıimdi ekeni daýsyz», deıdi Qyrǵyz Respýblıkasy Jalal-Abad oblysynan kelgen Totyqan О́skembaeva óz oıymen bólisip. О́ńir basshysynyń birinshi orynbasary Nurjan Kalenderovtiń aıtýynsha, óńirde qolǵa alynǵan mundaı aýqymdy is-sharalar Tarazǵa týrısterdi tartýǵa molynan múmkindik týǵyzady. Sondaı-aq shahardyń tarıhı bet-beınesin qalyptastyrýǵa septigin tıgizedi.
«Uly Jibek joly boıynda ornalasqan Taraz ejelden saýda men qolónerdiń ortalyǵy sanalǵany álimsaqtan aıan. Eki myń jyldan astam tarıhy bar kóne shahar túrki mádenıetiniń ajyramas bóligi retinde de moıyndalǵan. Qysqasy, áýlıeatalyq áleýmet tarıhy tereńde jatqan qalanyń ótkenimen maqtanady.
О́ńirde týrızm salasyn órkendetýge aıryqsha nazar aýdaryp otyrmyz. Sol úshin de Áýlıeata jerinde aýqymdy is-sharalar jıi uıymdastyrylyp jatyr. О́ıtkeni Jambyl óńirinde týrızmdi damytýǵa barlyq múmkindikter bar ekenine talas joq. Al «Taraz – qolónershiler qalasy» atty ekinshi halyqaralyq kórme qalanyń tarıhı bet-beınesin qalyptastyrýǵa mol múmkindik beretinine eshkim shúbá keltirmese kerek», deıdi oblys ákiminiń birinshi orynbasary Nurjan Kalenderov.
Birneshe kúnge sozylǵan qolónershiler kórmesi jergilikti jurtshylyqtyń kóńilinen shyqty. Dúnıejúzilik qolónershiler keńesi Azııa-Tynyq muhıty aımaǵynyń prezıdenti Azız Murtazaevtyń aıtýynsha, Tarazda ótkizgen halyqaralyq kórmeden elimizdegi ózge shaharlardyń bıligi úlgi alýy kerek.
Taraz tórinde uıymdastyrylǵan kórmege eriktiler de belsendi túrde atsalysty. Olar alys-jaqyn shet memleketterden kelgen mártebeli meımandarǵa qoldan kelgen kómegin aıanǵan joq.
«О́ńirde ekinshi ret ótkizilgen halyqaralyq kórmeniń joǵary deńgeıde uıymdastyrylýy úshin «Aspara» kolledji barynsha qolushyn berdi. Bıyl is-sharanyń geografııasy da keńı túsken. Azııadan bólek, Eýropa elderinen kelgen 250-ge jeteǵabyl qolónershiniń kóne shaharda bas qosqany – sózimizge dálel.
О́ńirge at basyn burǵan sheteldikterdiń ishinen úndistandyq qolóner sheberine kómektestim. Jergilikti halyq otandyq sheberlermen qatar sheteldik azamattardyń buıymdaryn satyp alyp jatty. Kóbinese bilezik sekildi názik jandylarǵa arnalǵan buıymdardyń jedel ótkenin baıqadym», deıdi eriktilerdiń biri Balaýsa Turar.
Birneshe kúnge sozylǵan halyqaralyq kórme aıasynda Tarazda kádesyı ónimderiniń jármeńkesi, qolóner sheberleriniń sheberlik saǵaty, jas sýretshiler arasynda baıqaý uıymdastyryldy. Sondaı-aq Taraz topyraǵyna taban tiregen mártebeli meımandar kóne shahardyń kórikti jerlerin aralap, tarıhymen tanysty.
TARAZ