Qater qaıdan demeńiz!

О́tken jyly Jambyl aýdanyna qarasty Jasórken aýylynda bolǵan oqıǵa kezinde 7 jasar nemeresin qutqarýǵa umtylǵan 61 jastaǵy qarııa nemeresimen birge baqıǵa attanǵan bolatyn. Árıne, bul shomylý maýsymy kezinde óńirde tirkelgen alǵashqy kisi ólimi emes. Áıtkenmen, dál osy Jasórkendegi oqıǵa qoǵamdyq rezonans týdyrǵan edi.

Tótenshe jaǵdaılar depar­tamenti keltirgen derekterge zer sal­saq, sala qyzmetkerleri shomylý maýsymy kezinde tynbaı jumys isteıdi. Alaı­da azamattardyń saq­tyqty umytýy oqys oqıqaǵa ushy­ra­typ jatady.

«Bıylǵy shomylý maýsymy ke­zinde 11 eldi mekende jumys is­teıtin 12 jaǵajaı bel­gilengen bolatyn. Jazataıym oqı­ǵa­lar­dyń aldyn alý maqsatynda brıfıngter ótkizdik. О́ńirdegi te­le­ar­nalar men radıo arqyly ma­mandar túsindirý jumystaryn uıymdastyryp tu­rady. Sondaı-aq telearnalarda eskertý sıpa­tyndaǵy beınerolıkter kór­se­tilip, basylymdarda maqalalar jarııalanady. Tıisti jerlerge ty­ıym salý belgileri bar aq­parattyq stendter orna­ty­la­dy. Oblystyq Tótenshe jaǵ­­daılar departamentiniń qut­qarý bólimsheleri erikti qut­qarý­shy­larmen birlesip, sho­mylýǵa ty­ıym salynǵan jáne jab­dyq­tal­maǵan oryndarda júıeli túr­de patrýldeý jumystaryn uıym­dastyrdy. Oblystyq Ishki ister departamenti jergilikti polısııa ýchaskelik qyzmetiniń ýchaskelik ınspektorlarynyń qatysýymen reıdtik is-sharalar, azamattarmen túsin­dirý jumystary júrgizilip tu­rady», deıdi oblystyq Tótenshe jaǵ­daılar departamentiniń basshysy Ermek Mombaev atqarylyp jatqan jumystarǵa toqtalyp.

Departament basshysy kel­tirgen de­rekterge súıensek, shomylý maý­­symy kezinde kisi shyǵynyn boldyrmaý maqsatynda atqarylyp jatqan jumys az emes eken. «Ákim­shilik qu­qyq buzýshylyq týra­ly» kodeksiniń 440, 412, 582 baptaryna sáıkes, zań­syz áreket jasaǵan azamattarǵa 174,2 myń teńge soma­syn­da 17 aıyppul salynypty.  Aıta bersek, tyndyrylǵan tirlik jetkilikti. Kerek derekke kóz jú­girt­sek, oblys boıynsha  sý aı­dyn­­darynyń demalýǵa jáne sho­mylýǵa qaýipti, jabdyqtalmaǵan ýchas­­­­kelerinde «Qaýipti aımaq», «Tyıym sa­lynǵan» degen sekildi ózge de mátinmen tyıym salatyn 360 belgi jáne 45 aqparattyq stend or­na­ty­lyp­ty.

Oblys ortalyǵy Taraz qala­syn­da­ǵy «Delfın» jáne «Taraz Arena» sport kesheniniń bazasynda 955 bala júzýdiń barlyq tásilin meń­gergen. Budan bólek, tótenshe jaǵdaılar departamentine qarasty «Jedel qutqarý jasaǵynyń» ma­man­dary Qarataý qalasyndaǵy «Jar­tas» sý qoımasynda jáne Jańa­tas­taǵy «Komsomolskoe» qala­lyq jaǵajaıynda 100 balaǵa sýda júzý tásilderin úıretken. Úgit-nasıhat jumystaryn júr­gizý úshin jergilikti bıýdjetten 26 mıllıon 100 myń teńge qa­rastyrylǵan. Jedel qutqarý ja­saǵynyń qural-saımany da jet­ki­lik­ti sııaqty...

Árıne, tilge tıek etsek, jaýap­ty departament ókilderi sýǵa sho­mylý maýsymy kezinde kirpik qaq­paı jumys istep otyrǵandaı kórinedi. Solaı da shyǵar. Alaıda departament basshysy keltirgen derekter jaǵa ustatpaı qoımaıdy. Qazirgi kezge deıin óńirde 3 adam sýǵa batyp ke­tip­ti. Onyń ishinde jasóspirim bala da bar.

Shomylý maýsymy kezinde ata-analar balalaryn qaraýsyz qal­dyr­masa, tıisti mamandar jumysqa jaýapkershilikpen qarasa ıgi.