Shý aýdanyna qarasty О́ndiris aýylynyń turǵyndary eldi mekenge jańa mádenıet úıi kerektigin jıi aıtyp júretin. Aýyl jurtshylyǵyn alańdatqan másele «Aýyl – el besigi» jobasy aıasynda sheshimin tapty. Mádenıet úıiniń ashylý saltanatyna óńir basshysy Nurjan Nurjigitov arnaıy qatysyp, jergilikti halyqtyń qýanyshyna ortaqtasty.
Derekterge zer salsaq, jobalyq quny 256,9 mıllıon teńgeni quraǵan jańa ǵımarattyń qurylys jumysyn «Taraz Invest Qurylys» JShS júrgizipti. Al mádenıet úıi 100 orynǵa arnalǵan. Zamanaýı úlgide salynǵan jańa mekemeni aralap kórgen jergilikti jurt birer jyl boıy aıtylǵan basty máseleniń ońynan sheshilgenine dán rıza.
«Memlekettiń órkendeýi jolynda mádenıet pen óner salasynyń alatyn róli zor. О́ıtkeni – mádenıet óner máıegi. Sondyqtan ulttyq qundylyqtarymyz ben dástúrimizdi, babalardan mıras bolyp qalǵan ónerimizdi órge shyǵaramyz desek, mádenıet salasyn damytýǵa aıryqsha den qoıǵanymyz abzal. Búgingi tańda óńirimizde 500-den asa mádenıet nysany halyqqa qyzmet kórsetip otyr. Sońǵy jyldary óńirimizdiń mádenı-rýhanı ómirinde aıtarlyqtaı ózgeris bar. Mańyzy zor nysandar der kezinde salynyp, paıdalanýǵa berilip jatyr. Bastysy boı kótergen ǵımarattarda eńbek etetin azamattar jergilikti halyqpen bite qaınasyp, eldiń erteńi úshin aıanbaı jumys isteýi kerek», dedi óńir basshysy.
О́ńirde ótken jyly 4 nysannyń qurylysy qolǵa alynsa, 32 mádenı nysanǵa kúrdeli jáne aǵymdaǵy jóndeý jumystary júrgizilgen. Al osy jyly 18 mádenı nysannyń qurylysyn júrgizý úshin qazynadan qarajat qarastyrylǵan. Onyń 9-y jyl sońyna deıin paıdalanýǵa berilmek.
Jambyl oblysy,
Shý aýdany