Táýelsizdik alǵannan beri Qazaqstan shahtalarynda 12 iri apat bolǵan. Al, apattardyń saldarlarynan qaıtys bolǵandar sany 200-ge jýyqtaǵan.
Iri apattar ásirese «Arselor Mıttal Temirtaý» kompanııasyna qarasty Shahtınsk, Lenın, Abaı atyndaǵy kenishterde bolǵan. Mysaly 1995 jyldyń qarasha aıynda Lenın atyndaǵy kenishte metan jarylyp 13 kenshi jan tapsyrdy. Al 2004 jyly «Shahtınskte» 23 jumysshy opat bolǵan edi. 2006 jyly Lenın atyndaǵy kenishte eń úlken apat tirkelgen. Saldarynan 41 adam tilge kelmeı ketip elde qaraly kún jarııalanǵan edi.